ଅନୁଗୋଳ: ପୁଣି ଲଜ୍ୟା । ଦୁଇଜଣ ନାବାଳକ ମିଶି ଜଣେ କଲେଜ ଛାତ୍ରୀଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଏପରି ଅଭାବନୀୟ ଘଟଣା ଘଟିଛି ଅନୁଗୋଳ ଜିଲ୍ଲା ବଅଁରପାଳ ଥାନା ଗିରଧୀ ବାସିଆ ଗାଁରେ ।
ଯୁବତୀଙ୍କୁ ହତ୍ୟା ପରେ ଦୁଷ୍କର୍ମ
ସୂଚନାଅନୁସାରେ ଗତ ୨୦ ତାରିଖରେ ଯୁବତୀ ଜଣଙ୍କୁ ଏକୁଟିଆ ପାଇ ନାବାଳକ ଦୁହେଁ ତାଙ୍କୁ ଉଠେଇ ନେଇଥିଲେ । ତାଙ୍କୁ ନାଳରେ ବୁଡାଇ ହତ୍ୟା କରିବା ପରେ ତାଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ପୋଲିସ ଆଗରେ ଏହା ସ୍ବୀକାର କରିଥିବା ଜଣାପଡିଛି । ଏ ନେଇ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛି ପୋଲିସ ।
ଥାନାରେ ମାମଲା ରୁଜ୍ଜୁ ହେବା ପରେ ପୋଲିସ ଓ ସନ୍ଧାନକାରୀ ଟିମ ଘଟଣାର ତଦନ୍ତ ଆରମ୍ଭ କରିଥିଲା । ଅପରାଧରେ ଜଡିତ ଦୁଇ ନାବାଳକଙ୍କୁ ଗିରଫ ପରେ ଜୁଭେନାଲ ଜଷ୍ଟିସ ବୋର୍ଡଙ୍କ ନିକଟରେ ହାଜର କରାଯାଇଥିଲା । ସେଠାରେ ସେମାନଙ୍କ ଜାମିନ ନାମଞ୍ଜୁର ହେବା ପରେ ଉଭୟଙ୍କୁ ଜୁଭେନାଲ ହୋମକୁ ପଠାଇ ଦିଆଯାଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
