ଅନୁଗୋଳ: ଜିଲ୍ଲାର ଠାକୁରଗଡ଼ ଥାନା ପେକଣ୍ଡା ଅଞ୍ଚଳରେ ସଡକ ଦୁର୍ଘଟଣାରେ ଚାଲିଗଲା ଦୁଇ ଜୀବନ । ଗୋଟିଏ ବାଇକକୁ ପିକଅପ ଭ୍ୟାନ ଧକ୍କା ଦେବା ଫଳରେ ଦୁଇ ବାଇକ ଆରୋହୀଙ୍କ ଅକାଳରେ ଚାଲିଯାଇଛି ଜୀବନ ।
ବାଇକକୁ ଧକ୍କା ଦେଲା ପିକଅପ, ଦୁଇ ମୃତ
ସୂଚନାଅନୁସାରେ, ରବିବାର ସନ୍ଧ୍ୟାରେ ଠାକୁରଗଡ଼ରୁ ଅନ୍ତୁଳିଆ ଅଭିମୁଖେ ଆସୁଥିବା ଦୁଇ ବାଇକ ଆରୋହୀ ଆସୁଥିଲେ । ସେମାନଙ୍କୁ ବିପରୀତ ଦିଗରୁ ଆସୁଥିବା ଏକ ପିକଅପ ଭ୍ୟାନ ଧକ୍ସା ଦେଇଥିଲା । ଫଳରେ ଘଟଣାସ୍ଥଳରେ ହିଁ ଦୁଇଜଣଙ୍କର ମୃତ୍ୟୁ ହୋଇଛି । ମୃତକ ଦୁଇଜଣ ହେଲେ ଠାକୁୁରଦଡ ଥାନା ଖମାର ଗାଁର ଜଗଦୀଶ ପ୍ରଧାମ ଓ କୁମୁରିସିଂହା ଗାଁର କୀର୍ତ୍ତନ ନାୟକ ।
ଘଟଣାର ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିବା ସହିତ ପିକଅପ ଭ୍ୟାନ ଓ ବାଇକକୁ ଜବତ କରିଛି । ଦୁର୍ଘଟଣା ଘଟାଇଥିବା ପିକଅପ ଡ୍ରାଇଭରକୁ ଧରିବାକୁ ପୋଲିସ ତଦନ୍ତ ଜାରି ରଖିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ. ଇଟିଭି ଭାରତ
