ଅନୁଗୋଳ: ହାତୀ ନେଇଛି ପୁଣି ଜଣଙ୍କ ଜୀବନ । ଜିଲ୍ଲାର ଛେଣ୍ଡିପଦା ରେଞ୍ଜ ଧାଙ୍ଗୁରୁମୁଣ୍ଡା ଗାଁରେ ହାତୀ ଆକ୍ରମଣରେ ଜଣେ ଅବସର ପ୍ରାପ୍ତ ଶିକ୍ଷକଙ୍କ ମୃତ୍ୟୁ ଘଟିଛି । ମୃତକ ହେଲେ ହୃଷୀକେଶ ନାୟକ ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ସୂଚନା ଅନୁଯାୟୀ, ମୃତ ହୃଷୀକେଶ ଚାଷ ଉପକରଣ ନେଇ ନିଜ ଗାଁ ବାରମଞ୍ଚାକୁ ଫେରୁଥିବା ବେଳେ ଧାଙ୍ଗୁରୁମୁଣ୍ଡା ଗାଁ ନିକଟରେ ତାଙ୍କୁ ଏକ ହାତୀ ଆକ୍ରମଣ କରିଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ସେପଟେ ହାତୀଟି ଗାଁ ମୁଣ୍ଡରେ ଥିବାରୁ ଲୋକଙ୍କ ମଧ୍ୟରେ ଭୟର ବାତାବରଣ ଖେଳିଯାଇଛି ।
ଘଟଣାସ୍ଥଳରେ ବନ ବିଭାଗ ପହଞ୍ଚି ତଦନ୍ତ ଆରମ୍ଭ କରିବା ସହିତ ହାତୀ ଘଉଡେଇବା ପାଇଁ ଉଦ୍ୟମ ଆରମ୍ଭ କରିଛି । ତେବେ ବାରମ୍ବାର ଏହି ରେଞ୍ଜରେ ହାତୀ ଆକ୍ରମଣରେ ଅନେକ ଜୀବନ ଯାଉଥିବାରୁ ବନ ବିଭାଗର କାର୍ଯ୍ୟଶୈଳୀ ଉପରେ ପ୍ରଶ୍ନ ଉଠିଛି । ଘଟଣା ପରେ ସମଗ୍ର ଅଞ୍ଚଳରେ ଉତ୍ତେଜନା ଦେଖା ଦେଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
