ଅନୁଗୋଳ: ମହାମାରୀ କୋଭିଡ-19 ପ୍ରକୋପ ସମୟରେ ବିଭିନ୍ନ ପଞ୍ଚାୟତର ସରପଞ୍ଚଙ୍କ କାର୍ଯ୍ୟଦକ୍ଷତାକୁ ପ୍ରଶଂସା କରିବା ସହ ସମ୍ମାନ ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଥିସହ ସେମାନଙ୍କ ପାଇଁ ୫୦ ଲକ୍ଷ ଟଙ୍କାର ବୀମା ମଧ୍ୟ ଘୋଷଣା କରିଛନ୍ତି । ରାଜ୍ୟ ସରକାରଙ୍କ ଏହି ନିଷ୍ପତ୍ତି ସରପଞ୍ଚଙ୍କ ମନୋବଳ ଦୃଢ କରିବ ବୋଲି କହିଛନ୍ତି ଅନୁଗୋଳର ମହିଳା ସରପଞ୍ଚ ଗୀତାଞ୍ଜଳି ପ୍ରଧାନ ।
ଏଥିପାଇଁ ମୁଖ୍ୟମନ୍ତ୍ରୀଙ୍କୁ ସେ କୃତଜ୍ଞତା ଜଣାଇବା ସହ କୋରୋନା ଯୁଦ୍ଧରେ ତାଙ୍କୁ ଯୋଦ୍ଧା ଭାବେ ବିବେଚିତ କରିଥିବାରୁ ସେମାନେ ଆଗାମୀ ଦିନରେ ନିଜ ନିଜ ପଞ୍ଚୟତରେ ଆହୁରି ଭଲ କାମ କରିବେ ବୋଲି କହିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ଏବେ ଗ୍ରାମାଞ୍ଚଳକୁ ପ୍ରବାସୀ ମାନେ ଫେରୁଥିବାରୁ ଏହି ସମୟ ଅତ୍ୟନ୍ତ ଗୁରୁତ୍ବପୂର୍ଣ୍ଣ । ଘର ବାହୁଡା ପ୍ରବାସୀଙ୍କୁ ସଙ୍ଗରୋଧରେ ରଖିବା ଏକ ବଡ ଦାୟିତ୍ବ । ତେଣୁ ସେମାନଙ୍କୁ ମୁଖ୍ୟମନ୍ତ୍ରୀ ଏହି ଗୁରୁ ଦାୟିତ୍ବ ଦେବା ସହ ବୀମା ରାଶି ଘୋଷଣା କରି ସେମାନଙ୍କ ମନୋବଳକୁ ସୁଦୃଢ଼ କରିଛନ୍ତି ବୋଲ ଇଟିଭି ଭାରତକୁ କହିଛନ୍ତି ।
ପ୍ରକାଶ ଥାଉ କି, ମହାମାରୀ କୋରୋନା ସମୟରେ ନିଜ ନିଜ ପଞ୍ଚାୟତକୁ ଏହି ବିପଦ କବଳରୁ ବଞ୍ଚାଇବାକୁ ସରପଞ୍ଚମାନେ ଦିନରାତି କାମ କରୁଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
