ଅନୁଗୋଳ: ଆକ୍ସନ ମୁଡରେ ଅନୁଗୋଳ ଜିଲ୍ଲା ପୋଲିସ । ଦୀର୍ଘ ଦିନର ହେବ ବେଆଇନ ଭାବେ କୋଇଲା ଖଣି ଖୋଳି କୋଇଲା ଚାଲାଣ କରୁଥିବା ଏକ ରାକେଟକୁ ଧରିବାରେ ସଫଳ ହୋଇଛି ପୋଲିସ। ଏନେଇ ପୋଲିସ ପକ୍ଷରୁ ସୂଚନା ଦିଆଯାଇଛି।
ବେଆଇନ କୋଇଲା ଚାଲାଣ ରାକେଟରେ 7 ଗିରଫ
ପୂର୍ବରୁ ବାହାଳସାହିରେ ଥିବା ୧୫ରୁ ଉର୍ଦ୍ଧ୍ବ ବେଆଇନ ଚୋରା ଖଣିରୁ ବିପୁଳ ପରିମାଣରେ କୋଇଲା ଜବତ ସହ ଖଣି ଗୁଡିକୁ ପୋତି ଦିଆଯାଇଥିଲା। ଗୁରୁବାର ଘଟଣାରେ ୭ ଜଣକୁ ଗିରଫ କରି କୋର୍ଟ ଚାଲାଣ କରାଯାଇଛି। ଗିରଫ ଅଭିଯୁକ୍ତମାନେ ହେଲେ ସୁଶାନ୍ତ ସାହୁ, ସୁବ୍ରତ ସାହୁ, ଅଲେଖ ସାହୁ, ସନତ ସାହୁ, ବିନୋଦ ସାହୁ, ଆନନ୍ଦ ସାହୁ ଓ ସୁଶାନ୍ତ ନାୟକ। ଏମାନେ ସମସ୍ତେ ବାହାଲ ସାହିରେ ରୁହନ୍ତି । ଏନେଇ ଡେପୁଟି ଡ଼ାଇରେକ୍ଟର ମାଇନ୍ସ ଅଭିଯୋଗ କରିବା ପରେ କାର୍ଯ୍ୟାନୁଷ୍ଠାନ ନେଇଛି ପୋଲିସ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
