ଅନୁଗୋଳ: ବନ୍ଧୁକ ମୁନରେ ଲୁଟ ଅଭିଯୋଗ । ଏଭଳି ଅଭିଯୋଗ ଆସିଛି ଅନୁଗୋଳ ଜିଲ୍ଲା ଛେଣ୍ଡିପଦା ଥାନା ପୁରୁଣାଗଡ ଗାଁରୁ । ପ୍ରାୟ 10 ଭରିର ସୁନାଗହଣା ସହ 1 ଲକ୍ଷରୁ ଅଧିକ ଟଙ୍କା ଲୁଟି ଫେରାର ହୋଇଛନ୍ତି ଦୁର୍ବୃତ୍ତ ।
ଶନିବାର ବିଳମ୍ବିତ ରାତିରେ ମାରଣାସ୍ତ୍ର ଧରି ମୁଖା ପିନ୍ଧା 5ରୁ 6 ଜଣ ଦୁର୍ବୃତ୍ତ ପୁରୁଣାଗଡ ଗାଁର ପତିତପାବନ ମହାପାତ୍ରଙ୍କ ଘରେ ପଶିଥିଲେ । ପରିବାରର ସମସ୍ତଙ୍କୁ ଛୁରୀ, ଖଣ୍ଡା, ବନ୍ଧୁକ ଆଦି ଦେଖାଇ ଘରେ ଥିବା ସମସ୍ତ ସୁନା ଗହଣା, ଟଙ୍କା ଆଦି ଲୁଟି ନେଇ ଫେରାର ହୋଇଯାଇଥିଲେ ।
ଦୁର୍ବୃତ୍ତଙ୍କ ଖଣ୍ଡା ଆକ୍ରମଣରେ ପତିତପାବନ ଗୁରୁତର ଆହତ ହୋଇଥିବା ବେଳେ ଚିକିତ୍ସା ପାଇଁ ତାଙ୍କୁ ଛେଣ୍ଡିପଦା ମେଡିକାଲରେ ଭତ୍ତି କରାଯାଇଛି । ସେପଟେ ଘଟଣାସ୍ଥଳରେ ଛେଣ୍ଡିପଦା ପୋଲିସ ପହଞଅଚି ଘଟଣାକ ଛାନବିନ ଆରମ୍ଭକ କରିଛି । ସୂଚନାଯୋଗ୍ୟ, ମାର୍ଚ୍ଚ 24 ତାରିଖରେ ପତିତପାବନଙ୍କ ଝିଅ ବାହାଘର ହେବାକୁ ଥିବାରୁ ପରିବାରଲୋକେ ସୁନା ଘର ଓ ଟଙ୍କା ଘରେ ରଖିଥିଲେ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
