ଅନୁଗୋଳ: ବଅଁରପାଳ ଥାନା ସନ୍ତ୍ରୀ ଛକରେ ସଡକ ଦୁର୍ଘଟଣା । ଏଥିରେ ଜଣେ ବାଇକ ଆରୋହୀଙ୍କ ମୃତ୍ୟୁ ହୋଇଛି । ମୃତକ ହେଲେ ବନ୍ତଳା ଥାନା ପୁରୁଣାଗଡ ଗାଁର ମନୁ ବାରିକ ।
ସଡକ ଦୁର୍ଘଟଣା: ହାଇୱା ଧକ୍କାରେ ବାଇକ ଆରୋହୀ ମୃତ
ମନୁ ବାଇକରେ ଯାଉଥିବାବେଳେ ସାମନାରୁ ଆସୁଥିବା ଏକ ହାଇୱା ତାଙ୍କୁ ଧକ୍କା ଦେଇ ଦ୍ରୁତ ଗତିରେ ପଳାଇଥିଲା । ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଛି । ତେବେ ଦୁର୍ଘଟଣାକୁ ନେଇ ସ୍ଥାନୀୟ ଲୋକେ 55ନମ୍ବର ଜାତୀୟ ରାଜପଥକୁ ଅବରୋଧ କରିଥିଲେ । ଏହାସହ ଦୁର୍ଘଟଣା ଘଟାଇଥିବା ହାଇୱାକୁ ତୁରନ୍ତ ଧରିବା ଏବଂ ମୃତକ ପରିବାରକୁ କ୍ଷତିପୂରଣ ଦେବାକୁ ଦାବି କରିଛନ୍ତି ।
ଦୀର୍ଘ 2 ଘଣ୍ଟା ଧରି ରାଜପଥ ଅବରୋଧ ହୋଇଥିଲା । ପରେ ଘଟଣାସ୍ଥଳରେ ପୋଲିସ ପହଞ୍ଚି ଲୋକଙ୍କୁ ବୁଝାସୁଝା କରିବା ପରେ ପରିସ୍ଥିତି ଶାନ୍ତ ପଡିଥିଲା ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
