ଅନୁଗୋଳ: ଜିଲ୍ଲା ବନ୍ତଳା ଥାନା ସାରଙ୍ଗପୁର ଛକ ନିକଟରେ ଦୁର୍ଘଟଣା । ଗଛରେ ପିଟି ହୋଇ ରାସ୍ତା କଡ଼କୁ ଓଲଟିଲା କାର । ଦୁର୍ଘଟଣାରେ ଜଣଙ୍କ ମୃତ୍ୟୁ ହୋଇଥିବାବେଳେ ଦୁଇଜଣ ଗୁରୁତର ହୋଇଛନ୍ତି ।
ଗଛରେ ପିଟି ହୋଇ ଓଲଟିଲା କାର
ସୂଚନାଅନୁସାରେ, କଟକରୁ ସମ୍ବଲପୁର ଅଭିମୁଖେ ଯାଉଥିବା ଏକ ଗାଡି ଗଛ ଓ ଇଲେଟ୍ରି ଖୁଣ୍ଟରେ ପିଟି ହୋଇ ରାସ୍ତା କଡକୁ ଓଲଟି ପଡିଥିଲା । ଫଳରେ ଘଟଣାସ୍ଥଳରେ ଗାଡିରେ ଥିବା ତିନିଜଣଙ୍କ ଭିତରୁ ଜଣଙ୍କର ଜଣଙ୍କର ମୃତ୍ୟୁ ହୋଇଛି । ଦୁଇଜଣ ଗୁରୁତର ହୋଇଛନ୍ତି ।
ସ୍ବାମୀ ସ୍ତ୍ରୀ ତାଙ୍କ ଝିଅ ସମ୍ବଲପୁର ଅଭିମୁଖେ ଯାଉଥିଲେ । ଦୁର୍ଘଟଣାରେ ବାପା ଲକ୍ଷ୍ମଣ ସାହୁଙ୍କ ମୃତ୍ୟୁ ହୋଇଛି । ସ୍ଥାନୀୟ ଲୋକଙ୍କ ସହାୟତାରେ ସେମାନଙ୍କୁ ଉଦ୍ଧାର କରି ପ୍ରଥମେ ବନ୍ତଳା ଓ ପରେ ଅନୁଗୋଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଉଭୟ ମା ଓ ଝିଅର ଅବସ୍ଥା ଗୁରୁତର ରହିଛି । ଏମାନଙ୍କ ଘର ସମ୍ବଲପୁର ଜିଲ୍ଲାରେ ହୋଇଥିବା ଜଣାପଡିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ରଥ, ଇଟିଭି ଭାରତ
