ଅନୁଗୋଳ: ଜିଲ୍ଲାର ବିଭିନ୍ନ ସ୍ଥାନରେ ବଜ୍ରପାତ ଘଟି ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇଜଣ ଆହତ ହୋଇଛନ୍ତି । ମୃତକ ଜଣକ ହେଉଛନ୍ତି ବାରମଞ୍ଚା ଗାଁବାହାଳ ସାହିର ସତ୍ୟଭାମା ସାହୁ। ସେହିପରି ଥାନା ଛକରେ ଥିବା ଜଣେ ଫଳ ଦୋକାନୀ ବ୍ରହ୍ମାନନ୍ଦ ଖିଲାର ବଜ୍ରପାତରେ ଗୁରୁତର ଆହତ ହୋଇଛନ୍ତି ।
ସତ୍ୟଭାମା ଘର ପାଖରେ ଗାଈ ଚରାଉଥିବା ସମୟରେ ହଠାତ ବଜ୍ରାଘାତ ହୋଇଥିଲା । ଫଳରେ ସତ୍ୟଭାମା ସେହି ସ୍ଥାନରେ ଅଚେତ ହୋଇ ପଡିଥିଲେ । ପାଖରେ ଥିବା କିଛିଲୋକ ଦମକଳ ବାହିନୀକୁ ଫୋନ କରିବାପରେ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ସତ୍ୟଭାମାକୁ ଛେଣ୍ତିପଦା ଡାକ୍ତରଖାନାରେ ଭର୍ତ୍ତି କରିଥିଲେ । ସେଠାରେ ଡାକ୍ତର ସତ୍ୟଭାମାକୁ ମୃତ ଘୋଷଣା କରିଥିଲେ।
ଗୁରୁତର ହୋଇଥିବା ଫଳ ଦୋକାନୀ ବ୍ରହ୍ମାନନ୍ଦ ଖିଲାରଙ୍କୁ କଟକ ବଡ ଡାକ୍ତରଖାନାକୁ ସ୍ଥାନାନ୍ତରଣ କରାଯାଇଛି । ସେହିଭଳି ଜିଲ୍ଲାର ବେଣା ଗାଡ଼ିଆ ଗାଁର ମାଣିକ ବେହେରା ମଧ୍ୟ ଆହତ ହୋଇଛନ୍ତି । ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
