ଅନୁଗୋଳ: ପୁଣି ଅଲୋଡା ଶିଶୁ କନ୍ୟା । କେନାଲ ଭିତରୁ ଉଦ୍ଧାର ହେଲା ଏକ ନବଜାତ ଶିଶୁକନ୍ୟାର ମୃତଦେହ । ଏପରି ଘଟଣା ଦେଖିବାକୁ ମିଳିଛି ଅନୁଗୋଳ ଜିଲ୍ଲା ନାଲକୋ ଅଞ୍ଚଳର ଟାଉନ୍ସିପ ଦେଇଯାଇଥିବା ଜଳସେଚନ ବିଭାଗ କେନାଲରେ ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
କେନାଲରେ ଶିଶୁଟି ଭାସୁଥିବା ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ତେବେ ଘଟଣାସ୍ଥଳରେ ପୋଲିସ ପହଞ୍ଚି ଶିଶୁର ମୃତଦେହ ଉଦ୍ଧାର କରିଛି । ଉଦ୍ଧାର ପରେ ନବଜାତ ଶିଶୁ କନ୍ୟା ବୋଲି ଜଣାପଡିଥିଲା । ତେବେ ଏହି ନବଜାତକ ଶିଶୁକନ୍ୟାକୁ କିଏ ଓ କାହିଁକି ଏଭଳି ଫୋପାଡ଼ି ଦେଇଛି ତାହା ଜଣାପଡ଼ିନାହିଁ । ଘଟଣା ନେଇ ପୋଲିସ ତଦନ୍ତ ଆରମ୍ଭ କରିଛି।
ଅନୁଗୋଳକୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
