ଅନୁଗୋଳ: ଜିଲ୍ଲାରେ ଚାଲିଥିବା ରାଜ୍ୟସ୍ତରୀୟ 46 ତମ ଜୁନିୟର କବାଡି ଚମ୍ପିୟାନସିପ ଶେଷ ହୋଇଛି । ଏହି ପ୍ରତିଯୋଗୀତାର ବାଳକରେ କଟକ ଓ ବାଳିକାରେ ଖୋର୍ଦ୍ଧା ଚମ୍ପିୟାନ ।
46 ତମ ଜୁନିୟର କବାଡିରେ କଟକ ଓ ଖୋର୍ଦ୍ଧା ଚମ୍ପିଆନ
ଜିଲ୍ଲାର ତାଳଚେରରେ ଥିବା ଟିଟିପିଏସ ଶକ୍ତି ଷ୍ଟାଡିୟମରେ ଏହି ରାଜ୍ୟସ୍ତରୀୟ ମ୍ୟାଚ ଚାଲିଥିଲା । ହୋଇଥିବା ପ୍ରତିଯୋଗୀତାର ଫାଇନାଲ ମ୍ୟାଚର ବାଳକ ବିଭାଗରେ କଟକ ଟିମ ୪୬-୩୧ ରେ ଜଗତସିଂହପୁରକୁ ହରାଇ ଚମ୍ପିଆନ ହୋଇଛି । ସେହିପରି ବାଳିକା ବିଭାଗରେ ଖୋର୍ଦ୍ଧା ଟିମ କିଟ୍ ଭୁବନେଶ୍ବରକୁ ୩୯-୨୫ରେ ହରାଇ ଏଥରର ଚମ୍ପିଆନ ହୋଇଛି । ଏହି ରାଜ୍ୟସ୍ତରୀୟ ଚମ୍ପିଆନସିପରେ ୨୫ ଟି ବାଳକ ଟିମ ସହ ୧୭ ଟି ବାଳିକା ଟିମ ଭାଗ ନେଇଥିଲେ ।
ନକ ଆଉଟ ପର୍ଯ୍ୟାୟରେ ସମସ୍ତ ମ୍ୟାଚ ଖେଳ ହୋଇଥିଲା । ଉଦଯାପନୀ ଉତ୍ସବରେ ଅନୁଗୋଳ ଅତିରିକ୍ତ ଏସପି ଯଦନାଥ ହାଁସଦା ମୁଖ୍ୟ ଅତିଥି ଓ ତାଳଚେର ଥରମାଲ ପାୱାର ଷ୍ଟେସନ ମହାପ୍ରବନ୍ଧ ଡ. ଏନ ତିୱାରୀ ଅତିଥି ଭାବେ ଯୋଗ ଦେଇ ଚମ୍ପିଆନ ଓ ରନର୍ସ ଅପ ଦଳକୁ ଟ୍ରଫି ପ୍ରଦାନ କରିଥିଲେ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
