ଅନୁଗୋଳ: ଏମିତି ବି ଆସେ ମୃତ୍ୟୁ ! ଟିପର ଡୋରରେ ଚାପି ହୋଇ ଜଣଙ୍କର ମୃତ୍ୟୁ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଅନୁଗୋଳ ସଦର ଥାନା କରଡ଼ାଗାଡିଆ ସ୍ଥିତ ଏକ ଠିକା କ୍ୟାମ୍ପରେ । ମୃତ ଟିପର ଚାଳକ ଜଣଙ୍କ ହେଲେ ଠାକୁରଗଡ଼ ଥାନା ସିଆରିମାଳିଆ ଗାଁର ଅଶୋକ ମାଝୀ ।
ଟିପର ଡୋରରେ ଚାପି ହୋଇ ଜଣଙ୍କର ମୃତ୍ୟୁ
ସୂଚନା ଅନୁସାରେ, ସଜ୍ଜନ ଅଗ୍ରୱାଲ ନାମକ ଜଣେ ଠିକାଦାରଙ୍କ ଠିକା କ୍ୟାମ୍ପରେ ଟିପର , ହାଇୱା ଗୁଡ଼ିକ ପାର୍କିଂ ହୋଇଥିଲା । ସକାଳେ ଗାଡିରେ ଚଢିବାକୁ ଅଶୋକ ଡୋର ଖୋଲି ଭିତରକୁ ପ୍ରବେଶ କରିବା ସମୟରେ ସେଠାରେ ଥିବା ଅନ୍ୟ ଏକ ଗାଡ଼ି ହଠାତ୍ ପଛକୁ ଗଡି ଧକ୍କା ଦେଇଥିଲା । ଫଳରେ ଡୋର ମଝିରେ ଚାପି ହୋଇ ଘଟଣା ସ୍ଥଳରେ ଅଶୋକଙ୍କ ମୃତ୍ୟୁ ହୋଇଥିଲା । ଖବର ପାଇ ସଦର ଥାନା ପୋଲିସ ଘଟଣା ସ୍ଥଳରୁ ମୃତଦେହ ଉଦ୍ଧାର କରି ଅନୁସନ୍ଧାନ ଚଳାଇଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
