ଅନୁଗୋଳ: ଜିଲ୍ଲାରେ ବଢ଼ିବାରେ ଲାଗିଛି କୋରୋନା ଜନିତ ମୃତକଙ୍କ ସଂଖ୍ୟା । ଗତକାଲି(ରବିବାର) ଜିଲ୍ଲା ସୂଚନା ଲୋକ ସମ୍ପର୍କ ବିଭାଗ ଦେଇଥିବା ସୂଚନା ଅନୁସାରେ ଜିଲାରେ କିଲର ଭାଇରସ ନେଇଛି ଏଯାବତ୍ 104 ଲୋକଙ୍କ ଜୀବନ । ତେବେ ଆଜି ରାଜ୍ୟ ସରକାର ଦେଇଥିବା ସୂଚନାରେ ଅନୁଗୋଳ ଜିଲାରୁ ପୁଣି ପାଞ୍ଚ ଜଣକ ଜୀବନ ନେଇଛି ଭାଇରସ । ଯାହାକୁ ମିଶାଇ ଜିଲାରେ ମୃତକଙ୍କ ସଂଖ୍ୟା 109ରେ ପହଞ୍ଚିଛି ।
କୋଭିଡ୍ ମୃତ୍ୟୁରେ ସବୁଠୁ ଆଗରେ ଅନୁଗୋଳ ଜିଲ୍ଲା
ତେବେ ସରକାରୀ ଭାବେ ଦେଖାଗଲେ ଗତ ଚାରି ଦିନ ହେବ ମୃତ୍ୟୁ ସଂଖ୍ୟାରେ ରାଜ୍ୟରେ ଏକ ନମ୍ବରରେ ରହୁଛି ଅନୁଗୋଳ । ଅର୍ଥାତ ଗତ ଚାରିଦନ ମଧ୍ୟରେ କୋରୋନା ଅନୁଗୋଳ ଜିଲାରୁ 20 ଜଣକ ଜୀବନ ନେଲାଣି । ଯାହାକୁ ନେଇ ଲୋକେ ଏବେ ଭୟଭୀତ । ଜିଲ୍ଲାରେ ସଂକ୍ରମଣର ସଂଖ୍ୟାରେ ବ୍ରେକ ଲାଗୁ ନଥିବା ବେଳେ ମୃତ୍ୟୁ ସଂଖ୍ୟା ବଢିବା ସମସ୍ତଙ୍କ ପାଇଁ ଚିନ୍ତାର ବିଷୟ ହୋଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
