ଅନୁଗୋଳ: ଯୁବକଙ୍କ ସନ୍ଦେହ ଜନକ ମୃତ୍ୟୁ । ଆମ୍ବ ତୋଟାରୁ ଝୁଲନ୍ତା ମୃତଦେହ ଉଦ୍ଧାର । ଏକ ଗାମୁଛା ସାହାଯ୍ୟରେ ମୃତଦେହ ଝୁଲୁଥିବା ଅବସ୍ଥାରେ ପୋଲିସ ଉଦ୍ଧାର କରିଛି ।
ଅନୁଗୋଳ ଜିଲ୍ଲା ପୁରୁଣାକୋଟ ଥାନା ଅନ୍ତର୍ଗତ ଶରଧାପୁର ପଞ୍ଚାୟତ ଗୁରୁଧି ଗ୍ରାମରେ ଘଟିଛି ଏହି ଅଭାବନୀୟ ଘଟଣା । ଆମ୍ବତୋଟାର ଏକ ଆମ୍ବ ଗଛରୁ ସୁଶୀଲ ଦାସ ନାମକ ଜଣେ ଯୁବକର ଝୁଲନ୍ତା ମୃତଦେହ ଦେଖି ଲୋକେ ପୋଲିସକୁ ଖବର ଦେଇଥିଲେ । ଏକ ଗାମୁଛା ସାହାଯ୍ୟରେ ସୁଶୀଲ ଝୁଲୁଥିବା ଅବସ୍ଥାରେ ପୋଲିସ ଉଦ୍ଧାର କରିଛି ।
ମୃତ ଯୁବକର ଘର ବନ୍ତଳା ଥାନା ପୁରୁଣା ଗଡ଼ ବଡଦାଣ୍ଡ ସାହିରେ ବୋଲି ଜଣାପଡିଛି। ସୁଶୀଲ ସୋମବାର ରାତିରୁ ନାଚ ଦେଖିବାକୁ ଘରୁ ବାହାରିଥିଲା । ଯାତ୍ରା ଦେଖି ଫେରିବା ପରେ ପୁଣି ଏକ ଟର୍ଚ୍ଚ ଲାଇଟ ଧରି କେଉଁଆଡ଼େ ବାହାରିଥିଲେ ଏବଂ ସେ ଆଉ ଘରକୁ ଫେରି ନଥିଲେ ।
ମୃତ ସୁଶୀଲର ବାପା ପୁଅର ମୃତ୍ୟୁ ପ୍ରେମ ଜନିତ ଓ ତାକୁ କେହି ହତ୍ୟା କରିଥିବା ନେଇ ପୋଲିସ ନିକଟରେ ଅଭିଯୋଗ କରିଛନ୍ତି । ଏନେଇ ପୋଲିସ ଅଧିକ ତଦନ୍ତ ଜାରି ରଖିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
