ଅନୁଗୋଳ: ସହର ପାଖରେ ବୁଲୁଛନ୍ତି ହାତୀ । ୨୦ରୁ ଅଧିକ ହାତୀ ଥିବା ଏକ ହାତୀପଲ ଅନୁଗୋଳ ସହର ନିକଟ ଖଲାରୀ ଅଞ୍ଚଳରେ ଆତଙ୍କ ଖେଳାଇଛନ୍ତି । ହାତୀମାନେ ଗାଁ ନିକଟକୁ ପଶି ଆସିବା ଯୋଗୁଁ ଲୋକେ ଅତ୍ୟନ୍ତ ଭୟଭୀତ ହୋଇପଡିଛନ୍ତି । ଆଜି(ବୁଧବାର) ସକାଳ ସମୟରେ ହାତୀପଲ ଖଲରୀ ହାଇସ୍କୁଲ ପଡିଆ ଦେଇ ପାଖ ଜଙ୍ଗଲରେ ବୁଲୁଥିବାର ନଜର ଆସିଛି । ଏହିସବୁ ସ୍ଥାନରେ ଲୋକଙ୍କ ଘର ରହିଥିବାରୁ ଲୋକେ ଏକ ପ୍ରକାର ଛାନିଆ ହୋଇଯାଇଛନ୍ତି ।
ଅନୁଗୋଳ ସହର ପାଖରେ ହାତୀପଲ, ଭୟଭୀତ ଲୋକେ
ଅନୁଗୋଳ ରେଞ୍ଜର ବନ କର୍ମଚାରୀ ଘଟଣାସ୍ଥଳରେ ଉପସ୍ଥିତ ରହିବା ସହ ଲୋକଙ୍କୁ ଭିଡ ନ ଜମାଇବାକୁ ନିବେଦନ କରିଛନ୍ତି । ହାତୀପଲ ଉପରେ ବନ ବିଭାଗ ନଜର ରଖିଛି । ସନ୍ଧ୍ୟା ହେଲା ପରେ ହିଁ ସେମାନଙ୍କୁ ଘଉଡାଯିବ ବୋଲି କହିଛି ବିଭାଗ । ହାତୀ ଯେପରି କୌଣସି କ୍ଷୟକ୍ଷତି ନ କରନ୍ତି ସେନେଇ ଜଗି ରହିଛନ୍ତି ବନ କର୍ମଚାରୀ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
