ଅନୁଗୋଳ: ଗାଁରେ ପଶିଲେ ହାତୀପଲ । ଆଜି(ଶୁକ୍ରବାର) ଅନୁଗୋଳ ବନାଞ୍ଚଳର ଆଁକୁଲା ନୂଆସାହି ଗାଁ ପାଖକୁ 10ରୁ ଅଧିକ ଥିବା ଏକ ହାତୀପଲ ପଶି ଆସିଛନ୍ତି । ଯାହାକୁ ନେଇ ଅଞ୍ଚଳବାସୀ ଆତଙ୍କିତ ହୋଇ ରହିଛନ୍ତି । ଏହି ହାତୀପଲରେ 10ରୁ ଅଧିକ ଛୁଆ, ବଡ ଓ ଦନ୍ତା ହାତୀ ଥିବା ଜଣାପଡ଼ିଛି ।
ଗାଁରେ ଗଜରାଜଙ୍କ ଆତଙ୍କ, ଲୋକେ ଭୟଭୀତ
ହାତୀପଲ କେଉଁ ଜଙ୍ଗଲ ଅଞ୍ଚଳରୁ ଏଠାକୁ ଆସିଲେ ସେ ସମ୍ପର୍କରେ କିଛି ଜଣାପଡି ନାହିଁ । ହାତୀଙ୍କୁ ଦେଖିବା ପାଇଁ ଗାଁ ପାଖ ଆମ୍ବତୋଟାରେ ବହୁ ଲୋକଙ୍କ ଭିଡ଼ ଦେଖିବାକୁ ମିଳିଛି । ହାତୀପଲ ଯେଉଁ ରାସ୍ତା ଦେଇ ଏଠାକୁ ପଶି ଆସିଛନ୍ତି ସେଠରେ ବ୍ୟାପକ କ୍ଷୟକ୍ଷତି ଘଟାଇଛନ୍ତି । ଯାହାକୁ ନେଇ ଲୋକେ ଆତଙ୍କିତ ଅଛନ୍ତି ।
ସେପଟେ ଖବର ପାଇ ବନ ବିଭାଗର କର୍ମଚାରୀ ହାତୀପଲଙ୍କୁ ଜଗି ରହିଛନ୍ତି । ସନ୍ଧ୍ୟା ହେଲେ ହାତୀଙ୍କୁ ଘଉଡା ଯିବ ବୋଲି ବିଭାଗ ପକ୍ଷରୁ କୁହାଯାଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
