ଅନୁଗୋଳ: ଜିଲ୍ଲା ଛେଣ୍ତିପଦା ବନାଞ୍ଚଳ ବ୍ରାହ୍ମଣବିଲ ଗାଁରେ ହାତୀ ଆକ୍ରମଣରେ ଯୁବକ ଗୁରୁତର । ଗୁରୁତର ଆହତ ଯୁବକ ଜଣକ ହେଉଛନ୍ତି ବ୍ରାହ୍ମଣବିଲ ଗାଁ ବେହେରା ସାହିର ପାଣ୍ଡବ ସାହୁ।
ସୂଚନାନୁଯାୟୀ, ଗାଁ ପାଖ ଆମ୍ବତୋଟାକୁ ଏକ ଦନ୍ତା ହାତୀ ଚାଲି ଆସିଥିଲା। ହାତୀକୁ ଘଉଡାଇବା ପାଇଁ ଗାଁର ବହୁ ଲୋକ ରୁଣ୍ଢ ହୋଇ ହାତୀକୁ ଘଉଡାଇବା ପାଇଁ ଚେଷ୍ଟା କରିଥିଲେ । ଘଟଣାସ୍ଥଳରେ ବନବିଭାଗର ହାତୀ ସ୍କ୍ବାର୍ଡ ପହଁଚି ଗ୍ରାମବାସୀକୁ ବାରଣ କରିଥିଲେ ମଧ୍ୟ କେହି ନଶୁଣି ହାତୀକୁ ଘଉଡାଇବାକୁ ଉଦ୍ୟମ କରିଥିଲେ ।
ଫଳରେ ହାତୀକୁ ଘଉଡାଇଲା ବେଳେ ପାଣ୍ଡବ ହାତୀ ହାବୁଡରେ ପଡିଯାଇଥିଲେ । ହାତୀ ଶୁଣ୍ଢରେ ତାଙ୍କୁ ଟେକି ଫୋପାଡି ଦେଇଥିଲା । ଯାହା ଫଳରେ ପାଣ୍ଡବଙ୍କର ଛାତି ଓ ମୁହଁରେ ଗଭୀର ଆଘାତ ଲାଗିଛି । ତାଙ୍କୁ ପ୍ରଥମେ କୋଶଳା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଓ ପରେ ଗୁରୁତର ଥିବାରୁ ଅନୁଗୋଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଅଣାଯାଇଛି । ହାତୀଟି ଗୋଠ ଛଡା ହୋଇ ଏକୁଟିଆ ବୁଲିବା ସହିତ ଗାଁ ମୁହାଁ ହେଉଛି । ଏନେଇ ବନବିଭାଗ ହାତୀ ଉପରେ ନଜର ରଖିଛି ବନବିଭାଗ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
