ଅନୁଗୋଳ: ଉପବାଚସ୍ପତି ରଜନୀକାନ୍ତ ସିଂଙ୍କ ଗାଡ଼ି ଦୁର୍ଘଟଣାଗ୍ରସ୍ତ (Deputy Speaker Rajanikant Singh met an accident) । ୫୫ ନମ୍ବର ଜାତୀୟ ରାଜପଥର ପଞ୍ଚମହଲା ନିକଟରେ ଦୁର୍ଘଟଣାଗ୍ରସ୍ତ ହୋଇଛି ଉପବାଚସ୍ପତି (Deputy Speaker of Odisha Legislative Assembly)ଙ୍କ ଗାଡ଼ି। ମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମ ପରେ ନିର୍ବାଚନ ମଣ୍ଡଳୀର ବନ୍ତଳା ଅଞ୍ଚଳର ଏକ କାର୍ଯ୍ୟକ୍ରମରେ ଯୋଗ ଦେଇ ଫେରୁଥିବା ବେଳେ ଘଟିଛି ଏହି ଦୁର୍ଘଟଣା ।
ଏହା ବି ପଢନ୍ତୁ- ଗଡିଲା ସମ୍ବଲପୁର-ହାଓଡା ଟ୍ରେନ, ପ୍ରଧାନମନ୍ତ୍ରୀ ଓ ରେଳମନ୍ତ୍ରୀଙ୍କୁ ଧନ୍ୟବାଦ ଦେଲେ ଧର୍ମେନ୍ଦ୍ର
ମିଳିଥିବା ସୂଚନା ଅନୁସାରେ ଏହି ଦୁର୍ଘଟଣାରେ ଉପବାଚସ୍ପତିଙ୍କ ଗାଡି ଭାଙ୍ଗିଛି । ମାତ୍ର ସେ ସମ୍ପୂର୍ଣ୍ଣ ସୁସ୍ଥ ଥିବା ଜଣାପଡ଼ିଛି । ଗାଡ଼ିରେ ଥିବା ତାଙ୍କ ଅନ୍ୟ ସହଯୋଗୀ ଓ ଡ୍ରାଇଭର ମଧ୍ୟ ସୁରକ୍ଷିତ ଅଛନ୍ତି । ମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମ ପରେ ସେ ନିଜ ବ୍ୟକ୍ତିଗତ କାମ ତଥା ଏକ ଶୁଦ୍ଧିକ୍ରିୟାରେ ଯୋଗ ଦେବାକୁ ଯାଉଥିବା ବେଳେ ଏହି ଦୁର୍ଘଟଣା ଘଟିଛି । ଉପବାଚସ୍ପତିଙ୍କ କାରର ଡାହାଣ ପାର୍ଶ୍ବରେ ଟ୍ରକଟି ଘଷି ହୋଇଯାଇଥିବା ଭିଡିଓରେ ଦେଖିବାକୁ ମିଳିଛି । ଏହାପରେ ଦୁର୍ଘଟଣାସ୍ଥଳରେ ସ୍ଥାନୀୟ ଲୋକ ଓ ଡ୍ରାଇଭର ମଧ୍ୟ ଯୁକ୍ତିତର୍କ ହୋଇଥିବା ବେଳେ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଥିଲା । ଏହାସହିତ ଟ୍ରାଫିକ ସମସ୍ୟା ମଧ୍ୟ ଉପୁଜିଥିଲା ।
ଇଟିଭି ଭାରତ, ଅନୁଗୋଳ
