ଅନୁଗୋଳ: ଦିଲ୍ଲୀର ଚାଷୀ ଆନ୍ଦୋଳନ ସମର୍ଥନରେ ବାହାରିଲେ ସଫେଇ କର୍ମଚାରୀ । ବିଭିନ୍ନ ଦାବି ନେଇ ଆଜି(ବୁଧବାର) ସର୍ବଭାରତୀୟ ସଙ୍ଗଠିତ ଶ୍ରମିକ ସଙ୍ଗଠନ ପକ୍ଷରୁ ଅନୁଗୋଳ ଜିଲ୍ଲା ଶ୍ରମ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି ।
ଚାଷୀ ଆନ୍ଦୋଳନ ସମର୍ଥନରେ ବାହାରିଲେ ଅନୁଗୋଳ ସଫେଇ କର୍ମଚାରୀ
ସଙ୍ଗଠନର ଜିଲ୍ଲା ସଭାପତି ତପନ ମହାନ୍ତିଙ୍କ ନେତୃତ୍ୱରେ ଶତାଧିକ ଶ୍ରମିକ ଏଥିରେ ସାମିଲ ହୋଇଥିଲେ । ଦେଶରେ ବର୍ଷ ବର୍ଷ ଧରି ପ୍ରଚଳିତ ୪ଟି ଶ୍ରମ ଆଇନକୁ ଉଚ୍ଛେଦ କରି ସରକାର ୪ଟି ଶ୍ରମ କୋର୍ଡ କରିଛନ୍ତି । ଯାହା ଫଳରେ ଶ୍ରମିକମାନେ ବିଶେଷ କ୍ଷତିଗ୍ରସ୍ତ ହେବେ ବୋଲି ସଫେଇ କର୍ମଚାରୀ ଅଭିଯୋଗ କରିଛନ୍ତି । ଏହାଛଡା ୩ଟି ନୂଆ କୃଷି ଆଇନ କେବଳ ପୁଞ୍ଜିପତିମାନଙ୍କୁ ସହାୟକ ହେବ ବୋଲି ମଧ୍ୟ ଅଭିଯୋଗ କରି ସର୍ବ ଭାରତୀୟ ସଙ୍ଗଠିତ ଶ୍ରମିକ ସଙ୍ଗଠନ ଅନୁଗୋଳ ଜିଲ୍ଲା ଶ୍ରମ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
