ଅନୁଗୋଳ: ଗ୍ୟାସ ଦରବୃଦ୍ଧିକୁ ବିରୋଧ କରି ରାଜରାସ୍ତାକୁ ଓହ୍ଲାଇଛି ବିଜୁ ଜନତା ଦଳ । ରନ୍ଧନ ଗ୍ୟାସ ଦରବୃଦ୍ଧି ପ୍ରତିବାଦରେ ଅନୁଗୋଳର ବ୍ଲକ ଓ ପୌରପାଳିକା କାର୍ଯ୍ୟାଳୟ ସମ୍ମୁଖରେ ବିଜେଡି ପକ୍ଷରୁ ପ୍ରତିବାଦ କରାଯାଇଛି । ଗ୍ୟାସ ସିଲିଣ୍ଡର ଧରି ଧାରଣାରେ ବସିଛନ୍ତି ଦଳୀୟ କର୍ମକର୍ତା ଓ କର୍ମୀ । ଅନୁଗୋଳ ଜିଲ୍ଲାରେ ୫ଟି ବିଧାନସଭା ନିର୍ବାଚନ ମଣ୍ଡଳୀର ବିଭିନ୍ନ ବ୍ଲକ ଏବଂ ପୌର କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଛି ବିଜେଡି ।
କେନ୍ଦ୍ର ସରକାରଙ୍କୁ ଟାର୍ଗେଟ କରି ବିଜୁ ମହିଳା, ବିଜୁ ଯୁବ, ବିଜୁ ଛାତ୍ର ଜନତା ଦଳର ଶତାଧିକ କର୍ମୀ ଧାରଣାରେ ବସିଛନ୍ତି । କେନ୍ଦ୍ର ସରକାର ଅନିୟନ୍ତ୍ରିତ ଭାବେ ରନ୍ଧନ ଗ୍ୟାସର ଦରବୃଦ୍ଧି କରି ଚାଲିଛନ୍ତି । ଫଳରେ ଏହାର ପ୍ରଭାବ ସିଧାସଳଖ ସାଧାରଣ ଜନତାଙ୍କ ହାଣ୍ଡିଶାଳ ଉପରେ ପଡ଼ିଥିବା ଅଭିଯୋଗ କରିଛି ବିଜେଡି । ପରିସ୍ଥିତି ଏମିତି ହୋଇଛି ଯେ, ଗରିବ ଲୋକଟି ଗ୍ୟାସ ବ୍ୟବହାର କରି ରୋଷେଇ କରିବା ଆଦୌ ସମ୍ଭବ ହେଉନାହିଁ । କେନ୍ଦ୍ର ସରକାରଙ୍କ ଉଜ୍ଜଳା ଯୋଜନା କୁଆଡେ ଗଲା ବୋଲି ବିଜେଡି ପ୍ରଶ୍ନ କରିଛି।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
