ଅନୁଗୋଳ: ଉପାନ୍ତ ଅଞ୍ଚଳରେ ବିଧାୟକ କରୁଛନ୍ତି ନିର୍ବାଚନୀ ପ୍ରଚାର । ଖୋଲା ଜିପରେ ଗାଁକୁ ଗାଁ ବୁଲି କରୁଛନ୍ତି ପ୍ରଚାର । ଦଳୀୟ ପ୍ରାର୍ଥୀଙ୍କ ପାଇଁ ଆଠମଲ୍ଲିକ ବିଧାୟକ ରମେଶ ଚନ୍ଦ୍ର ସାଏ କରୁଛନ୍ତି ଭୋଟ ଭିକ୍ଷା ।
Panchayat Poll: ବିଜେଡି ବିଧାୟକ ରମେଶ ସାଏଙ୍କ ପ୍ରଚାର
ସାତକୋଶିଆ ଅଭୟାରଣ୍ୟର ଉପାନ୍ତ ଅଞ୍ଚଳରେ ବିଧାୟକ ରମେଶ ସାଏ କରିଛନ୍ତି ପଞ୍ଚାୟତ ନିର୍ବାଚନ ପ୍ରଚାର । ଜିଲ୍ଲା ପରିଷଦ ୧ ନମ୍ବର ଜୋନର ଟିକରପଡା, ପୁରୁଣାକୋଟ, ଟୁଲୁକା, ଛୋଟକେଇ, ତରଭା, ଜଗନ୍ନାଥପୁର ସମେତ ବହୁ ଦୁର୍ଗମ ଅଞ୍ଚଳକୁ ଯାଇ ପ୍ରଚାର କରିଥିଲେ ବିଧାୟକ । ସେହିପରି ବିଭିନ୍ନ ସ୍ଥାନରେ ରୋଡ ସୋ କରିବା ସହ ଲୋକଙ୍କ ସହ ଆଲୋଚନା କରିଥିଲେ ।
ଦଳୀୟ ପ୍ରାର୍ଥୀଙ୍କ ପାଇଁ ସେ ଭୋଟ ଭିକ୍ଷା କରିଥିଲେ । ଏଥିରେ ଜିଲ୍ଲା ପରିଷଦ ପ୍ରାର୍ଥୀନୀ କାଜଲ ପଟ୍ଟନାୟକ ଓ ସମର୍ଥିତ ସରପଞ୍ଚ ପ୍ରାର୍ଥୀ ମଧ୍ୟ କରିଛନ୍ତି ପ୍ରଚାର ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
