ଅନୁଗୋଳ : ବଡ ଭାଇର ମୃତ୍ୟୁ ଦେଖି ଚାଲିଗଲା ସାନ ଭାଇର ଜୀବନ । ବଡ ଭାଇର ମୃତ୍ୟୁକୁ ସହିନପାରି ସାନ ଭାଇର ମୃ୍ତ୍ୟୁ । ଏଭଳି ଏକ ଅଭାବନୀୟ ଘଟଣା ଘଟିଛି ଅନୁଗୋଳ ଜିଲ୍ଲା ପାଲଲହଡ଼ା ଅଞ୍ଚଳରେ ।
ଅନୁଗୋଳ ଜିଲ୍ଲା ପାଲଲହଡା ଉପଖଣ୍ଡ ସିଡିଙ୍ଗ ଗ୍ରାମର ଦୀପକ କୁମାର ପାଲ ଗତ କିଛିଦିନ ହେବ ରୋଗରେ ପୀଡିତ ହୋଇ କଟକ ବଡ଼ ମେଡିକାଲରେ ଚିକିତ୍ସାଧୀନ ଥିଲେ । ଗତ ଶୁକ୍ରବାର ଦିନ 1ଟା ସମୟରେ ତାଙ୍କର ମୃତ୍ୟୁ ହୋଇଥିଲା । ପରିବାର ଲୋକେ ମୃତ ଶରୀରକୁ ଗାଁକୁ ଧରି ପହଞ୍ଚିବା ପରେ ଘରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା ।
ଭିଡିଓ ସୌଜନ୍ୟ : ସମ୍ବାଦଦାତା,ଅନୁଗୋଳ
ତେବେ ବଡଭାଇର ମୃତ ଶରୀରକୁ ଦେଖି ସାନ ଭାଇ ତିରୁମଲ ପ୍ରସାଦ ପାଲ ହଠାତ ମ୍ରିୟମାଣ ହୋଇ ତଳେ ପଡିଯାଇଥିଲେ । ତାଙ୍କୁ ତୁରନ୍ତ ପରିବାର ଲୋକେ ପାଲଲହଡା ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ I ଗୋଟିଏ ପରିବାରର ଦୁଇ ଭାଇଙ୍କ ମୃ୍ତ୍ୟୁକୁ ନେଇ ଅଞ୍ଚଳରେ ଶୋକର ଛାୟା ଖେଳିଯାଇଛି।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
