ଅନୁଗୋଳ: ଗିରଫ ହେଲେ ତିନି ପଶୁ ଶିକାରୀ । ଅନୁଗୋଳ ଜିଲ୍ଲା ସାତକୋଶିଆ ଅଭୟାରଣ୍ୟରୁ ପଶୁ ଶିକାର କରି ଗିରଫ ହେଲେ ତିନି ଶିକାରୀ । ଅଭୟାରଣ୍ୟର ପୁରୁଣାକୋର୍ଟ ରେଞ୍ଜ କମୁରି ଓ ବାଘମୁଣ୍ଡା ସେକ୍ସନରେ ପଶୁ ଶିକାର କରିଥିବା ଅଭିଯୋଗରେ ଉଭୟ ସେକ୍ସନ ତିନି ଶିକାରୀକୁ ଗିରଫ କରିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ସେମାନଙ୍କ ନିକଟରୁ ଶମ୍ବର ମାଂସ ସହ 3ଟି ଦେଶୀ ବନ୍ଧୁକ ମଧ୍ୟ ଜବତ ହୋଇଛି । ଗିରଫ ଅଭିଯୁକ୍ତ ମାନେ ହେଲେ କମୁରି ଗାଁର ସୁବୋଧ ନାଏକ, ଭୁବନ ପ୍ରଧାନ ଓ ବେଲାବାହାଳି ଗାଁର ପ୍ରଦୀପ ସାହୁ ।
ଶିକାର ସାରି ଅଭିଯୁକ୍ତ ମାନେ ଘରେ ଶିକାର କରିଥିବା ଜିନିଷର ଭାଗ ବାଣ୍ଟୁଥିବା ବେଳେ ଏମାନଙ୍କୁ ଉଭୟ ସେକ୍ସନ ଗିରଫ କରିଛି ।
ପ୍ରକାଶ ଥାଉକି ଗତ ଚାରି ଦିନ ପୂର୍ବରୁ ଅଭୟାରଣ୍ୟର ପମ୍ପାସର ରେଞ୍ଜରୁ 7 ଶିକାରୀ ସହ ହରିଣ ମାଂସ ଜବତ କରିଥିଲା ବିଭାଗ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
