ଅନୁଗୋଳ: ଯାଜପୁର ଜିଲ୍ଲାର କଳିଙ୍ଗନଗର ଠାରେ ଘଟିଥିବା ଗୁଳିକାଣ୍ଡକୁ 16 ବର୍ଷ ପୂରିଛି । ଏହି ଘଟଣାକୁ ସ୍ମରଣ କରିଛି ଅନୁଗୋଳ ଜିଲ୍ଲା କଂଗ୍ରେସ । ମୃତ ନିରୀହ ଆଦିବାସୀଙ୍କ ପାଇଁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଜିଲ୍ଲା କଂଗ୍ରେସ ଶ୍ରଦ୍ଧାଞ୍ଜଳି ସଭା କରିଛି ।
ଯାଜପୁର କଳିଙ୍ଗନଗରରେ 2006 ମସିହା ଜାନୁଆରୀ 2 ତାରିଖରେ ପୋଲିସ ଓ ଆଦିବାସୀଙ୍କ ମଧ୍ୟରେ ଏହି ଗୁଳିକାଣ୍ଡ ଘଟିଥିଲା । ଶନିବାର ଏହି ଘଟଣାକୁ ଦୀର୍ଘ 16 ବର୍ଷ ପୂରୁଥିବାରୁ ପୋଲିସ ଗୁଳିରେ 15 ଜଣ ନିରୀହ ଆଦିବାସୀ ମୃତ୍ୟୁବରଣ କରିଥିଲେ । ନିଜର ହକ ମାଗିବାକୁ ଯାଇଥିବା ଆଦିବାସୀଙ୍କୁ ଯେଉଭଳି ଭାବେ ହତ୍ୟା କରାଯାଇଥିଲା ତାହା ଅତ୍ୟନ୍ତ ଅମାନବୀୟ ଥିଲା ।
ଏଣୁ ଘଟଣା ଘଟିବା ଦିନଠାରୁ କଂଗ୍ରେସ ଘଟଣାର ନିନ୍ଦା କରି ଆସୁଛି । ସେହି ଆଦିବାସୀମାନଙ୍କ ଆତ୍ମାର ସଦଗତି ପାଇଁ ପ୍ରତିବର୍ଷ ଏଭଳି ଶ୍ରଦ୍ଧାଞ୍ଜଳୀ ଦେଇ ଆସୁଥିବା ନେତାମାନେ ପ୍ରକାଶ କରିଛନ୍ତି । ତେବେ ଏବର୍ଷ ମଧ୍ୟ ନିରୀହ ଆଦିବାସୀଙ୍କ ଆତ୍ମାର ସଦଗତି ପାଇଁ ଜିଲ୍ଲା କଂଗ୍ରେସ ଶ୍ରଦ୍ଧାଞ୍ଜଳୀ ସଭାର ଆୟୋଜନ କରିଛି । ଏହି ଶ୍ରଦ୍ଧାଞ୍ଜଳି କଯ୍ୟକ୍ରମରେ ଜିଲ୍ଲା କଂଗ୍ରେସର ବହୁ ନେତା ଓ କର୍ମୀ ସାମିଲ ହୋଇଥିଲେ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
