ଅନୁଗୋଳ: ଜିଲ୍ଲାରେ ପ୍ରଥମ କୁହୁଡିର ସ୍ପର୍ଶ । ଘନକୁହୁଡିରେ ଢାଙ୍କି ହେଲା ଶିଳ୍ପନଗରୀ ଅନୁଗୋଳ ଜିଲ୍ଲା । ଜିଲ୍ଲାରେ ଚଳିତ ବର୍ଷ ପ୍ରଥମ ଥର ପାଇଁ ଘନ କୁହୁଡି ଅନୁଭୂତ ହୋଇଛି ।
ଘନ କୁହୁଡିରେ ଢାଙ୍କି ହେଲା ଶିଳ୍ପନଗରୀ ଅନୁଗୋଳ
ତେବେ ସକାଳ ପ୍ରାୟ ୮ଟା ପର୍ଯ୍ୟନ୍ତ କୁହୁଡ଼ିର ପ୍ରଭାବ ରହିବାରୁ ସାଧାରଣ ଜୀବନ ଯାତ୍ରା ବ୍ୟାହତ ହୋଇଥିଲା । ରାସ୍ତାଘାଟ କୁହୁଡିମୟ ହୋଇଉଠିଥିଲା । ପ୍ରାତଃ ଭ୍ରମଣରେ ଯାଉଥିବା ଲୋକେ ବହୁ ଅସୁବିଧାର ସମ୍ମୁଖିନ ହୋଇଥିଲେ ।
ଅନ୍ୟ ପକ୍ଷରେ ଚଳିତ ଶୀତ ଋତୁର ଏହା ପ୍ରଥମ ଘନ କୁହୁଡି ହୋଇଥିବାରୁ ଲୋକେ ବେଶ ଉପଭୋଗ ମଧ୍ୟ କରିଥିଲେ । ସେହିପରି ଜିଲ୍ଲାରେ ଶୀତର ପ୍ରକୋପ ଆରମ୍ଭ ହୋଇଥିଲେ ମଧ୍ୟ କୁହୁଡି ଯୋଗୁ ଶୀତର ମାତ୍ରା ହ୍ରାସ ପାଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
