ଅନୁଗୋଳ: ଥମିବାର ନାଁ ଧରୁନି ଆଦିବାସୀ ଯୁବକ ବୁଧୁରାମର ସନ୍ଦେହଜନକ ମୃତ୍ୟୁ । ଏନେଇ ଆଦିବାସୀଙ୍କ ମନରେ ବିଦ୍ରୋହ ।
ଅନୁଗୋଳର ପାଲଲହଡା ଥାନା ସୋଲଡା ଗାଁର ଆଦିବାସୀ ଯୁବକ ବୁଧୁରାମ କୁଂକାଲଙ୍କ ମୃତ୍ୟୁକୁ ନେଇ ପୁଣିଥରେ ଥାନା ଘେରାଉ କରିଛି ଆଦିବାସୀ ସଂଘ। ମୃତକ ପରିବାରକୁ କ୍ଷତିପୂରଣ ଏବଂ ଦୋଷୀ ବନକର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ସ୍ଥାନୀୟ ଆଦିବାସୀ ମଞ୍ଚ ପକ୍ଷରୁ ପାଲଲହଡ଼ା ଥାନା ଘେରାଉ କରାଯାଇଛି I
ଆଦିବାସୀ ନେତା ଲକ୍ଷ୍ମଣ ହେମ୍ବ୍ରମ ଏବଂ ଈଶ୍ବରଚନ୍ଦ୍ର ପିଙ୍ଗୁଆ ଓ ଚନ୍ଦ୍ର ମୋହନ ମୁଣ୍ଡୁରିଙ୍କ ନେତୃତ୍ବରେ ଶହ ଶହ ଆଦିବାସୀ ପୁରୁଷ ଏବଂ ମହିଳା ପାରମ୍ପାରିକ ଅସ୍ତ୍ର ଶସ୍ତ୍ର ଧରି ଏକ ଶୋଭାଯାତ୍ରାରେ ଆସି ଥାନା ସମ୍ମୁଖରେ ଧାରଣାରେ ବସିବା ସହ ମୃତ ବୁଧୁରାମଙ୍କ ପରିବାରକୁ 10ଲକ୍ଷ ଟଙ୍କାର ସହାୟତା, ସ୍ତ୍ରୀକୁ ସରକାରୀ ଚIକିରୀ ପ୍ରଦାନ ଏବଂ ବୁଦ୍ଧୁରାମଙ୍କୁ ହତ୍ୟା କରିଥିବା ଫରେଷ୍ଟର ଓ ଅନ୍ୟ ବନକର୍ମଚାରୀଙ୍କ ତୁରନ୍ତ ଚIକିରୀରୁ ବାରଖIସ୍ତ ନେଇ ଦାବି କରିଥିଲେ I ଏହାସହ ଆଗମି ଦିନରେ ଯଦି ସମସ୍ତ ଦାବି ପୂରଣ ନକରାଯାଏ ତେବେ ଆନ୍ଦୋଳନକୁ ଜୋରଦାର କରାଯିବ ବୋଲି ମଞ୍ଚ କହିଛି I
ଗତ ଡିସେମ୍ବର ମାସରେ ସୋଲଡI ଗ୍ରାମର ବୁଧୁରାମ ସନ୍ଧ୍ୟା ସମୟରେ ନିଜ ସ୍ତ୍ରୀ ପ୍ରମିଳାଙ୍କ ସହିତ ଜାଳେଣି କାଠ ଆଣିବା ପାଇଁ ପାଖ ଜଙ୍ଗଲକୁ ଯାଇଥିବାବେଳେ ପାଲଲହଡା ଫରେଷ୍ଟର ଭାରତୀ କପରଦାର ଏବଂ ଅନ୍ୟ ସହଯୋଗୀ କାଠ ଆଣୁଥିବା ଦେଖି ଏମାନଙ୍କ ପିଛା କରିଥିଲେ ଫଳରେ ଉଭୟେ ଭୟରେ ସେଠାରୁ ଦୌଡ଼ି ଥିଲେ। ସ୍ତ୍ରୀ ପ୍ରମିଳା ଘରକୁ ଫେରିଆସି ଥିଲେ କିନ୍ତୁ ବୁଧୁରାମ ଘରକୁ ଫେରିନଥିଲେ । ଆଉ ସକାଳୁ ବୁଧୁରମଙ୍କ ମୃତ୍ୟୁ ହୋଇଥିବା ଏବଂ ତାଙ୍କ ମୃତ ଶରୀର ପାଲଲହଡା ଉପଖଣ୍ଡ ଚିକିତ୍ସାଳୟରେ ଥିବା ଖବର ପାଇଥିଲେ ପ୍ରମିଳା ।
ବୁଦ୍ଧୁରାମଙ୍କ ମୁହଁରେ କ୍ଷତ ଚିହ୍ନ ଥିବାରୁ ବନବିଭାଗର କର୍ମଚାରୀ ଟଙ୍କା ପାଇଁ ସ୍ବାମୀକୁ ପିଟି ପିଟି ମାରିଦେଇଥିବା ପ୍ରମିଳା ପାଲଲହଡା ଥାନାରେ ଲିଖିତ ଅଭିଯୋଗ କରିଥିଲେ I
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
