ଅନୁଗୋଳ: ଜିଲ୍ଲାରେ ପ୍ରଥମ କଣ୍ଟେନମେଣ୍ଟ ଜୋନ ଘୋଷଣା କଲା ତାଳଚେର ପୌରପାଳିକା । ଦୁଇ ଦିନରେ 30ରୁ ଅଧିକ ସଂକ୍ରମିତ ଚିହ୍ନଟ ହେବାରୁ 13 ୱାର୍ଡକୁ କରାଗଲା ନିଷିଦ୍ଧାଞ୍ଚଳ ।
ଅନୁଗୋଳ ଜିଲ୍ଲାର ତାଳଚେର ପୌରାଞ୍ଚଳରେ କୋରୋନା ସଂକ୍ରମଣ ବୃଦ୍ଧି ପାଉଛି । କେବଳ ଏହି ପୌରାଞ୍ଚଳରୁ ଦୈନିକ ହାରାହାରି ୨୦ରୁ ୨୫ଜଣ ସଂକ୍ରମିତ ଚିହ୍ନଟ ହେଉଛନ୍ତି । ଗତ ୩ ଦିନରେ ୭୦ରୁ ଅଧିକ ସଂକ୍ରମିତଙ୍କୁ ଚିହ୍ନଟ କରାଯାଇଛି । ସେଥିମଧ୍ୟରୁ ୧୩ନଂ ୱାର୍ଡ ନବମିଶ୍ର କଲୋନୀରୁ ୩୬ରୁ ଅଧିକ ଚିହ୍ନଟ ହେବାପରେ ପୌର ପ୍ରଶାସନ ଏହି ୱାର୍ଡକୁ କଣ୍ଟେନମେଣ୍ଟ ଜୋନ ଘୋଷଣା କରିଛି ।
ଅନୁଗୋଳରେ ପ୍ରଥମ କଣ୍ଟେନମେଣ୍ଟ ଜୋନ, ଦୁଇ ଦିନରେ 30ରୁ ଅଧିକ ସଂକ୍ରମିତ ଚିହ୍ନଟ
ଆଜି(ଗୁରୁବାର) ଅପରାହ୍ନ ୩ଟାରୁ ଆସନ୍ତା ସୋମବାର ସକାଳ ପର୍ଯ୍ୟନ୍ତ କଣ୍ଟେନମେଣ୍ଟ ଜୋନ ଘୋଷଣା କରିଛି । ଅନୁଗୋଳ ଜିଲ୍ଲାରେ ଏହା ପ୍ରଥମ କଣ୍ଟେନମେଣ୍ଟ ଜୋନ ବୋଲି ଜଣାପଡିଛି । ଏହାବ୍ୟତୀତ ଆଜି ରାତି 9ଟାଠାରୁ ସୋମବାର ପର୍ଯ୍ୟନ୍ତ ପୁରା ପୌରାଞ୍ଚଳକୁ ମଧ୍ୟ ସଟଡାଉନ ଘୋଷଣା କରାଯାଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
