ଅନୁଗୋଳ: ଜିଲ୍ଲା ତହସିଲ ଅଫିସରେ ଜିଲ୍ଲାପାଳ ମନୋଜ ମହାନ୍ତିଙ୍କ ଅଚାନକ ଗସ୍ତ । ତେବେ ଏହି ତଦାରଖ ବେଳେ ବିଭିନ୍ନ କାମରେ ତହସିଲ ଅଫିସର କର୍ମଚାରୀମାନେ ଅବହେଳା ପ୍ରଦର୍ଶନ କରୁଥିବା ଦେଖିବାକୁ ପାଇଥିଲେ । ଫଳରେ ତହସିଲଦାର ଏବଂ ଅନ୍ୟ କର୍ମଚାରୀଙ୍କୁ ତାଗିଦ କରିଥିବା ଜଣାପଡିଛି ।
ସୂଚନାନୁଯାୟୀ, ପୂର୍ବରୁ ବହୁ ବାର ତହସିଲଦାର ଓ ଅଫିସର ଅନ୍ୟାନ୍ୟ କର୍ମଚାରୀ ଠିକ ଭାବରେ ଲୋକଙ୍କୁ ସେବା ଦେଉ ନଥିବା ଜିଲ୍ଲାପାଳଙ୍କ ନିକଟରେ ଅଭିଯୋଗ ହୋଇଆସୁଥିଲା । ଏହାସହ ଅଫିସକୁ କୌଣସି କାମରେ ସାଧାରଣ ଲୋକ ଟିଏ ଗଲେ ଲାଞ୍ଚ ମାଗିବା ସହ ହଇରାଣ ମଧ୍ୟ କରାଯାଉଥିଲା ।
ତେବେ ଆଜି ଜିଲ୍ଲାପାଳ ମନୋଜ କୁମାର ମହାନ୍ତି ହଠାତ ଉପ ଜିଲ୍ଲାପାଳଙ୍କୁ ସାଙ୍ଗରେ ଧରି ତହସିଲ କାର୍ଯ୍ୟାଳୟରେ ପହଞ୍ଚି ଯାଇଥିଲେ । ସେଠାରେ ସେ ବିଭିନ୍ନ କାଗଜ ପତ୍ର ଯାଞ୍ଚ କରିବା ସହ ସାଧାରଣ ଲୋକଙ୍କ କାମ କିଭଳି ହେଉଛି ତାହା ତଦାରଖ କରି ଫେରିଯାଇଥିଲେ । ତେବେ ସମ୍ବନ୍ଧରେ ଜିଲ୍ଳାପାଳଙ୍କ କୌଣସି ପ୍ରତିକ୍ରିୟା ମିଳିପାରିନାହିଁ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
