ଅନୁଗୋଳ: କୋରୋନା ମୁକାବିଲା ପାଇଁ ଚାଲିଥିବା ତାଲାବନ୍ଦ କଟକଣାକୁ ଅନୁଗୋଳ ଜିଲ୍ଲାରେ କିଛି ମାତ୍ରାରେ କୋହଳ ହୋଇଛି । ଲକଡାଉନରେ ସବୁକିଛି ଠପ ହୋଇ ଯାଇଥିବା ବେଳେ ସବୁଠାରୁ ଅଧିକ ପ୍ରଭାବିତ ହୋଇଥିଲେ ଶ୍ରମିକମାନେ । ସୋମବାର ଠାରୁ ବିଭିନ୍ନ କର୍ମକ୍ଷେତ୍ରରେ କାର୍ଯ୍ୟ କରୁଥିବା ଶ୍ରମିକମାନଙ୍କ ପାଇଁ କଟକଣା କୋହଳ କରାଯାଇଛି । ଅନୁଗୋଳ ଜିଲ୍ଲାରେ କିଭଳି ରହିଛି ସ୍ଥିତି ସେ ନେଇ କିଛି ଶ୍ରମିକମାନଙ୍କ ସହ ଆଲୋଚନା କରିଥିଲେ ଆମ ପ୍ରତିନିଧି ।
ଆଜିଠାରୁ ସାମାଜିକ ଦୂରତା ମାନି କର୍ମକ୍ଷେତ୍ରରେ ଶ୍ରମିକମାନେ ବିଭିନ୍ନ କାର୍ଯ୍ୟ କରିବାକୁ ସରକାର ଅନୁମତି ଦେଇଛନ୍ତି । ବିଶେଷ କରି ସରକାର ମନରେଗା କାର୍ଯ୍ୟକ୍ରମରେ ଶ୍ରମିକମାନେ କାମ କରିବାକୁ ସରକାର ଅନୁମତି ଦେଇଛନ୍ତି । ଫଳରେ ଆଜିଠାରୁ କାମରେ ଯୋଗ ଦେଇଛନ୍ତି ଶ୍ରମିକ ମାନେ । ସରକାରୀ ଅଧିକାରୀ ଓ ସରପଞ୍ଚମନେ ନିଜେ ଉପସ୍ଥିତ ରହି ଏହି କାମକୁ ତଦାରଖ କରୁଛନ୍ତି । ସେପଟେ ଦୀର୍ଘ ଦିନ ପରେ ଶ୍ରମିକଙ୍କୁ କାମ ମିଳିଥିବାରୁ, ସେମାନେ ଏଥିପାଇଁ ନିଜର ଖୁସି ଜାହିର କରିଛନ୍ତି ।
ତେବେ ଖାଲି ସରକାରୀ କାମ ନୁହେଁ ବରଂ ବିଭିନ୍ନ ବେସରକାରୀ କ୍ଷେତ୍ରରେ ମଧ୍ୟ ଶ୍ରମିକମାନେ କାମ ଆରମ୍ଭ କରିଛନ୍ତି । ବିଶେଷ କରି ସଧାରଣ ଘର ନିର୍ମାଣରେ ମଧ୍ୟ ଶ୍ରମିକମାନେ ଆଜିଠାରୁ କାମ କରୁଥିବା ଦେଖିବାକୁ ମିଳିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
