ଅନୁଗୋଳ: ବହି ଦୋକାନରେ ଚାଲିଥିଲା କପ ସିରଫ ବେପାର । ଅନୁଗୋଳର ଏକ ବହି ଦୋକାନରୁ ବିପୁଳ ପରିମାଣରେ କପ ସିରଫ ଜବତ କରିଛି ପୋଲିସ । ତେବେ ଏହି ଘଟଣାରେ ଦୁଇ ଜଣକୁ ଗିରଫ କରାଯାଇଥିବା ସୂଚନା ମିଳିଛି । ଅଭିଯୁକ୍ତ ଦୁହେଁ ସମଲ ଗ୍ରାମର କ୍ଷୀରୋଦ ବାରିକ ଓ ଜେନେସ ସାହୁ ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ସୂଚନା ମୁତାବକ, କ୍ଷୀରୋଦ ଏବଂ ଜେନେସ ନିଶା ପାଇଁ ବ୍ୟବହାର ହେଉଥିବା କୋରେସ୍କ ନାମକ କପ ସିରଫ ବହି ଦୋକାନରେ ଚୋରା ଭାବରେ ବିକ୍ରି କରୁଥିଲେ । କୌଣସି ସୂତ୍ରରୁ ଖବର ପାଇ ପୋଲିସ ଏହି ବହି ଦୋକାନ ଉପରେ ଚଢ଼ାଉ କରିଥିଲା । ସେପଟେ ଏତେ ପରିମାଣରେ କପ ସିରପ କେଉଁଠୁ ଆସିଲା ସେ ନେଇ ତଦନ୍ତ ଜାରି ରଖିଛି ପୋଲିସ ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
