ନୂଆଦିଲ୍ଲୀ: ଆଇପିଏଲରେ ପୁଣିଥରେ ମଙ୍କଡ ଆଉଟ କରିବାକୁ କହିଲେ ଭାରତୀୟ ସ୍ପିନର ରବିଚନ୍ଦ୍ରନ ଅଶ୍ବିନ। ଗତ ସଂସ୍କରଣରେ ରାଜସ୍ଥାନ ରୟାଲ୍ସର ଜସ ବଟଲରଙ୍କୁ ଆଉଟ କରି ଚର୍ଚ୍ଚାକୁ ଆସିଥିଲେ ସେ।
ଟ୍ବିଟରେ ଏକ ଜଣେ ଫ୍ୟାନ୍ସଙ୍କ ପ୍ରଶ୍ନର ଉତ୍ତର ଦେବାକୁ ଯାଇ ଏମିତି କହିଛନ୍ତି ଅଶ୍ବିନ। ଟ୍ବିଟରେ ଆକାଶ ନାମକ ଜଣେ ଫ୍ୟାନ ପ୍ରଶ୍ନ ପଚାରିଥିଲେ ଯେ,ଆଗାମୀ ଆଇପିଏଲରେ ମଙ୍କଡ ଆଉଟ କରିବାର ଦକ୍ଷତା କାହା ପାଖରେ ଅଛି? ଏହାର ଉତ୍ତର ଦେବାକୁ ସ୍ପିନର ଅଶ୍ବିନ ଲେଖିଛନ୍ତି, ‘ଯିଏ କ୍ରିଜରୁ ବାହାରକୁ ଯିବା, ମୁଁ ତାଙ୍କୁ ମଙ୍କଡ ଆଉଟ କରିବି।’
ଉଲ୍ଲେଖଥାଉ କି, ଗତ ସଂସ୍କରଣରେ ରାଜସ୍ଥାନ ରୟାଲ୍ସର ଜସ ବଟଲରଙ୍କୁ ଏପରି ମଙ୍କଡ ଆଉଟ କରିଥିଲେ ଅଶ୍ବିନ।ବୋଲିଂ କରିବା ପୂର୍ବରୁ ସେ ନନ ଷ୍ଟ୍ରାଇକର ଏଣ୍ଡରୁ ବର୍ଟଲର ଲାଇନ ବାହାରକୁ ଚାଲି ଆସିଥିଲେ। ଏହାର ଫାଇଦା ଉଠାଇ ଅଶ୍ବିନ ନନ ଷ୍ଟ୍ରାଇକର ଏଣ୍ଡ ୱିକେଟରେ ବଲ ହିଟ କରି ବର୍ଟଲରଙ୍କୁ ମଙ୍କଡ ଆଉଟ କରିଥିଲେ।
