ଟୋକିଓ: ଦୁଇ ଥରର ବିଶ୍ବ ଚମ୍ପିଆନସିପ ବ୍ରୋଞ୍ଜ ପଦକ ବିଜୟିନୀ ଲଭଲିନା ବୋର୍ଗହେନ ଦମଦାର ବିଜୟରୁ ଟୋକିଓ ଅଲମ୍ପିକ ଅଭିଯାନ ଆରମ୍ଭ କରିଛନ୍ତି । ମହିଳା ୬୯ କିଲୋଗ୍ରାମ ଓଜନ ବର୍ଗରେ ଜର୍ମାନୀର ନାଦିନେ ଆପଟ୍ଜଙ୍କୁ ହରାଇଛନ୍ତି କ୍ବାର୍ଟର ଫାଇନାଲରେ ପ୍ରବେଶ କରିଛନ୍ତି ଲଭଲିନା । ସ୍ଥାନୀୟ କୋକୁଜିକାନ ଏରେନାରେ ଏହି ରାଉଣ୍ଡ ୧୬ ମ୍ୟାଚ୍ ଖେଳାଯାଇଥିଲା ।
ଚଳିତ ଅଲମ୍ପିକରେ ବକ୍ସିଂରେ ଏଯାବତ ଭାରତର ପ୍ରଦର୍ଶନ ପ୍ରଭାବୀ ରହିନାହିଁ । କେବଳ ମେରୀକମ ବିଜୟୀ ହୋଇଛନ୍ତି, ମାତ୍ର ବିକାଶ କ୍ରୀଷନ, ମନୀଷ କୌଶିକ, ଆଶିଷ କୁମାର ପରାଜୟ ସହ ପ୍ରତିଯୋଗୀତାରୁ ବାଦ ପଡିଛନ୍ତି । ଫଳରେ ଲଭଲିନାଙ୍କ ବିଜୟ ଭାରତୀୟ ବକ୍ସିଂ ଟିମ ପାଇଁ ଆଶ୍ବସ୍ଥିକର ହୋଇଛି ।
