ମେଲବର୍ଣ୍ଣ: ଅଷ୍ଟ୍ରେଲିଆନ ଓପନ କ୍ବାର୍ଟର-ଫାଇନାଲରେ ପ୍ରବେଶ କଲେ ସିମୋନା ହେଲେପ । ଫ୍ରେଞ୍ଚ ଓପନ ଚମ୍ପିଆନ ଇଗା ସ୍ବିଆତେକଙ୍କୁ 3-6, 6-1, 6-4 ସେଟ୍ରେ ହରାଇଛନ୍ତି ହେଲେପ । ଭେଟେରାନ ସେରେନା ୱିଲିୟମସନଙ୍କ ସହ ଖେଳିବାକୁ ପରବର୍ତ୍ତୀ ରାଉଣ୍ଡକୁ ଉନ୍ନୀତ ହୋଇଛନ୍ତି ।
ଅଷ୍ଟ୍ରେଲିଆନ ଓପନ: ହାରିଲେ ସ୍ବିଆତେକ,କ୍ବାର୍ଟରରେ ସିମୋନା-ସେରେନା ଟକ୍କର
ରୋନାଲ୍ଡ ଗାରୋସରେ ଗତବର୍ଷ ପରାଜୟର ବଦଲା ନେଇଛନ୍ତି ନଂ2 ସିଡ୍ର ହେଲେପ । ଅନ୍ୟପଟେ ସ୍ବିଆତେକ 4ତୁର୍ଥ ରାଉଣ୍ଡ ମ୍ୟାଚରେ ମାତ୍ର 3ଟି ଗେମ ହରାଇଥିଲେ ।
ତେବେ ହେଲେପଙ୍କ ପାଇଁ କ୍ବାର୍ଟରରେ କଡା ଆହ୍ବାନ ହେବାକୁ ଯାଉଛି । କାରଣ ଟୁର୍ର ସର୍ବାଧିକ ଅଭିଜ୍ଞତା ସଂପନ୍ନ ଖେଳାଳି ସେରେନା ୱିଲିୟମସଙ୍କୁ ଭେଟିବେ । 24ତମ ଗ୍ରାଣ୍ଡସ୍ଲାମ ଏକକ ଟାଇଟେଲ ହାସଲ ରେକର୍ଡ ଅପେକ୍ଷାରେ ରହିଛନ୍ତି ସେରେନା ।
ମେଲବର୍ଣ୍ଣ ପାର୍କରେ ବର୍ଷ 2018ରେ ହେଲେପ ଫାଇନାଲରେ ପରାଜିତ ହୋଇଥିଲେ ଏଥିସହ ଗତବର୍ଷ ମଧ୍ୟ ସେମିଫାଇନାଲରେ ପ୍ରବେଶ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
