କଟକ: ଶନିବାରଠୁ ବାରବାଟୀ ଟେନିସ କମ୍ପ୍ଲେକ୍ସରେ ଆରମ୍ଭ ହୋଇଛି ସର୍ବଭାରତୀୟ 12 ବର୍ଷରୁ କମ୍ ସବ୍ ଜୁନିୟର ଟେନିସ ପ୍ରତିଯୋଗିତା । ଏହି ଇଭେଣ୍ଟରେ ରାଜ୍ୟ ତଥା ରାଜ୍ୟ ବାହାର ଖେଳାଳି ଦେଖାଇବେ ତାଙ୍କ ଦମ । ସମୂଦାୟ 30 ଖେଳାଳି ଏହି ପ୍ରତିଯୋଗିତାରେ ଭାଗ ନେଇଛନ୍ତି । ତେବେ ଏହି ଇଭେଣ୍ଟରେ କଟକରୁ 4ଜଣ ଖେଳାଳି ଅଛନ୍ତି ।
ଟେନିସ ଆସୋସିଏସନ ସମ୍ପାଦକ ସତ୍ୟଜିତ ମହାନ୍ତି କହିଛନ୍ତି ଯେ, ଏହି ମେଗା ଆୟୋଜନର ଲକ୍ଷ୍ୟ ହେଲା ପିଲାମାନଙ୍କ ମଧ୍ୟରେ ଟେନିସ ଖେଳ ପ୍ରତି ଆଗ୍ରହ ସୃଷ୍ଟି କରିବା ଓ ଟେନିସର ବିକାଶ କରିବା ।
ତେବେ ଏହି ଟେନିସ ପ୍ରତିଯୋଗତା ନିଶ୍ଚିତ ରୂପେ କୁନିକୁନି ପିଲାଙ୍କୁ ନୂତନ ଦିଗଦର୍ଶନ ଦେବା ସହ ଅନ୍ତର୍ଜାତୀୟ ସ୍ତରରେ ପହଞ୍ଚାଇବ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ