ନ୍ୟୁୟର୍କ: ପୂର୍ବତନ ବିଶ୍ବର ନମ୍ବର ୱାନ ଟେନିସ ଖେଳାଳି ସେରେନା ୱିଲିୟମ୍ସ ୟୁଏସ ଓପନର ପ୍ରଥମ ରାଉଣ୍ଡରେ କ୍ରିଷ୍ଟି ଆନଙ୍କୁ ପରାସ୍ତ କରି 24ତମ ଗ୍ରାଣ୍ଡସ୍ଲାମ ସିଙ୍ଗଲ୍ସ ଟ୍ରଫି ଜିତିବା ପାଇଁ ଉଦ୍ୟମ ଆରମ୍ଭ କରିଛନ୍ତି ।
ୱିଲିୟମ୍ସ 7-5, 6-3 ରେ ଜିତିବା ପୂର୍ବରୁ ଦୁଇ ଆମେରିକୀୟ ପ୍ରଥମ 10ଟି ଗେମ ସମାନ ଭାବେ ବାଣ୍ଟିଥିଲେ । ଏହି ଟୁର୍ଣ୍ଣାମେଣ୍ଟରେ ଏହା ତାଙ୍କର 102ତମ ବିଜୟ ଥିଲା, ଯାହା ଦ୍ବାରା ସେ କ୍ରିସ୍ ଇଭର୍ଟଙ୍କ ସହ ଥିବା ଓପନ୍ ଏରାରେ ଜଣେ ମହିଳାଙ୍କ ଦ୍ବାରା ସର୍ବାଧିକ ବିଜୟର ଟାଏକୁ ଭାଙ୍ଗିଛନ୍ତି ।
ୱିଲିୟମ୍ସ 13 ଟି ଏସେସ ମାରିଲେ ଏବଂ ତାଙ୍କର ପ୍ରଥମ ସର୍ଭିସରେ ମାତ୍ର 6 ପଏଣ୍ଟ ହରାଇଲେ ।
ଚଳିତ ମାସରେ 39 ବର୍ଷ ବୟସ ହୋଇଥିବା ୱିଲିୟମ୍ସ 6 ଥର ଟୁର୍ନାମେଣ୍ଟ ଜିତିଛନ୍ତି ଏବଂ ଗତ ଦୁଇ ବର୍ଷ ଧରି ସେ ରନର୍ ଅପ୍ ରହିଛନ୍ତି । ସେ ନମ୍ବର 3ରେ ରହିଛନ୍ତି ଏବଂ 24 ଗ୍ରାଣ୍ଡ ସ୍ଲାମ୍ ସିଙ୍ଗଲ୍ ଟାଇଟଲ୍ ରେକର୍ଡ କରି ମାର୍ଗାରେଟ କୋର୍ଟଙ୍କ ସହ ଟାଏ କରିବାକୁ ଆଶା କରୁଛନ୍ତି |
38 ବର୍ଷୀୟା ଶେଷ ଥର ପାଇଁ 2017ରେ ଗ୍ରାଣ୍ଡସ୍ଲାମ ଜିତିଥିଲେ କାରଣ ସେ ଅଷ୍ଟ୍ରେଲିଆ ଓପନରେ ବିଜୟୀ ହୋଇଥିଲେ।
ସେହି ନିର୍ଦ୍ଦିଷ୍ଟ ବିଜୟ ପରେ, ସେ 23 ଗ୍ରାଣ୍ଡ ସ୍ଲାମ୍ ବିଜୟରେ ସ୍ଥିର ରହି 24 ତମ ଟାଇଟଲ ଜିତିବା ଲକ୍ଷ୍ୟରେ ରହିଛନ୍ତି ।
ୱିଲିୟମ୍ସ ସେପ୍ଟେମ୍ବର 3 ଗୁରୁବାର ଦିନ ୟୁଏସ୍ ଓପନର ଦ୍ବିତୀୟ ରାଉଣ୍ଡରେ ମାର୍ଗାରିଟା ଗାସପାରିୟାନ୍ଙ୍କୁ ଭେଟିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
