ପ୍ୟାରିସ: ଡାନିଲ ମେଡଭେଡେବ ଜିତିଲେ ପ୍ୟାରିସ ମାଷ୍ଟର୍ସ । ରବିବାର ଖେଳାଯାଇଥିବା ଫାଇନାଲ ମୁକାବିଲାରେ ଆଲେକଜାଣ୍ଡର ଜର୍ଭଙ୍କୁ ହରାଇ ପ୍ରଥମ ଥର ପାଇଁ ପ୍ୟାରିସ ମାଷ୍ଟର୍ସ ଟାଇଟେଲ ବିଜୟୀ ହୋଇଛନ୍ତି ମେଡଭେଡେବ । କ୍ୟାରିୟରର ଅଷ୍ଟମ ଓ ମାଷ୍ଟର୍ସ ଇଭେଣ୍ଟରେ ଏହା ମେଡଭେଡେବଙ୍କର ତୃତୀୟ ଟାଇଟେଲ ।
ପ୍ୟାରିସ ମାଷ୍ଟର୍ସ ଟାଇଟେଲ ଜିତିଲେ ଡାନିଲ ମେଡଭେଡେବ
ଦୁଇ ଟେନିସ ଷ୍ଟାରଙ୍କ ମଧ୍ୟରେ କଡା ଟକ୍କର ଦେଖିବାକୁ ମିଳିଥିଲା । ପ୍ରଥମ ସେଟ ବିଜୟ ସହ ନିଜ ନାମରେ କରିଥିଲେ ଜର୍ଭ । ମାତ୍ର ରୋମାଞ୍ଚକର ଭାବେ ମେଡଭେଡେବ ଆକ୍ରମଣାତ୍ମକ ରଣନୀତି ସହ ମ୍ୟାଚକୁ ଫେରିଥିଲେ । ଦ୍ବିତୀୟ ସେଟରେ ବିଜୟୀ ହୋଇଥିଲେ ।
ଫଳରେ 3ୟ ତଥା ନିର୍ଣ୍ଣାୟକ ସେଟରେ ମ୍ୟାଚର ଫଳାଫଳ ସ୍ଥିର ହୋଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
