ପ୍ୟାରିସ: ବିଶ୍ବ ଟେନିସର ଦୁଇ ଶ୍ରେଷ୍ଠ ମହାରଥୀଙ୍କ ମଧ୍ୟରେ ଆଜି(ରବିବାର) ହେବାକୁ ଯାଉଛି ଘମାଘୋଟ ଲଢେଇ । ପ୍ରସ୍ତୁତ ହୋଇ ରହିଛି ଫ୍ରେଞ୍ଚ ଓପନ 2020ର କୋର୍ଟ ଓ ସମ୍ମାନଜନକ ରୋନାଲ୍ଡ ଗାରୋସ ଟୁର୍ଣ୍ଣାମେଣ୍ଟର କ୍ଷେତ୍ର।
ଫ୍ରେଞ୍ଚ ଓପନ 2020ର ଫାଇନାଲ ମୁକାବିଲାରେ ମୁହାଁମୁହିଁ ହେବେ ବିଶ୍ବ ଟେନିସ ମାନ୍ୟତାର ନମ୍ବର 1 ସ୍ଥାନରେ ଥିବା ନୋଭାକ ଜାକୋଭିକ ଓ ମାନ୍ୟତାର ଦ୍ବିତୀୟ ସ୍ଥାନରେ ଥିବା ରାଫେଲ ନାଦାଲ । ଭାରତୀୟ ସମୟ ଭାରତୀୟ ସମୟ ସନ୍ଧ୍ୟା 6.30ରୁ ଆରମ୍ଭ ହେବ ଏହି ହାଇଭୋଲଟେଜ ଟେନିସ ମ୍ୟାଚ ।
ରାଫାଲ ନାଦାଲ ଏହି ମ୍ୟାଚ ପୂର୍ବରୁ 12ଥର ଫ୍ରେଞ୍ଚ ଓପନ ଟାଇଟେଲ ନିଜ ନାମରେ କରିଛନ୍ତି । ଅନ୍ୟପଟେ ରେକର୍ଡ 20ଥର ଗ୍ରାଣ୍ଡ ସ୍ଲାମ ଟାଇଟେଲ ବିଜେତା ରହିଛନ୍ତି ଜାକୋଭିକ ।
