ପ୍ୟାରିସ: ବିଶ୍ବ ଟେନିସର ଦୁଇ ଶ୍ରେଷ୍ଠ ମହାରଥୀଙ୍କ ମଧ୍ୟରେ ଆଜି(ରବିବାର) ହେବାକୁ ଯାଉଛି ଘମାଘୋଟ ଲଢେଇ । ପ୍ରସ୍ତୁତ ହୋଇ ରହିଛି ଫ୍ରେଞ୍ଚ ଓପନ 2020ର କୋର୍ଟ ଓ ସମ୍ମାନଜନକ ରୋନାଲ୍ଡ ଗାରୋସ ଟୁର୍ଣ୍ଣାମେଣ୍ଟର କ୍ଷେତ୍ର।
ଫ୍ରେଞ୍ଚ ଓପନ 2020ର ଫାଇନାଲ ମୁକାବିଲାରେ ମୁହାଁମୁହିଁ ହେବେ ବିଶ୍ବ ଟେନିସ ମାନ୍ୟତାର ନମ୍ବର 1 ସ୍ଥାନରେ ଥିବା ନୋଭାକ ଜାକୋଭିକ ଓ ମାନ୍ୟତାର ଦ୍ବିତୀୟ ସ୍ଥାନରେ ଥିବା ରାଫେଲ ନାଦାଲ । ଭାରତୀୟ ସମୟ ଭାରତୀୟ ସମୟ ସନ୍ଧ୍ୟା 6.30ରୁ ଆରମ୍ଭ ହେବ ଏହି ହାଇଭୋଲଟେଜ ଟେନିସ ମ୍ୟାଚ ।
ରାଫାଲ ନାଦାଲ ଏହି ମ୍ୟାଚ ପୂର୍ବରୁ 12ଥର ଫ୍ରେଞ୍ଚ ଓପନ ଟାଇଟେଲ ନିଜ ନାମରେ କରିଛନ୍ତି । ଅନ୍ୟପଟେ ରେକର୍ଡ 20ଥର ଗ୍ରାଣ୍ଡ ସ୍ଲାମ ଟାଇଟେଲ ବିଜେତା ରହିଛନ୍ତି ଜାକୋଭିକ ।
ନଜର ପକାନ୍ତୁ ଉଭୟ ଖେଳାଳିଙ୍କ କିଛି ରେକର୍ଡ ଉପରେ...
ନୋଭାକ ଜାକୋଭିକ: 8ଥର ଅଷ୍ଟ୍ରେଲିଆ ଓପନ ବିଜେତା,5ଟି ୱିମ୍ବଲଡନ, 3ଟି ୟୁଏସ ଓପନ ଟାଇଟେଲ, ଗୋଟିଏ ଫ୍ରେଞ୍ଚ ଓପନ ଟାଇଟେଲ ।
ରାଫେଲ ନାଦାଲ: 12ଥର ଫ୍ରେଞ୍ଚ ଓପନ ବିଜେତା, 4ଟି ୟୁଏସ ଓପନ ଟାଇଟେଲ, 2ଟି ୱିମ୍ବଲଡନ, ଓ ଗୋଟିଏ ଅଷ୍ଟ୍ରେଲିଆ ଓପନ। ଯେବେ ଏହି ଦୁଇ ଖେଳାଳି ବଡ ଟୁର୍ଣ୍ଣାମେଣ୍ଟରେ ସାମ୍ନାସାମ୍ନି ହୋଇଛନ୍ତି, ସେବେ ନିଆରା ରେକର୍ଡ ସହ କଡା ପ୍ରତିଦ୍ବନ୍ଦ୍ବୀତା ଦେଖିବାକୁ ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
