ପ୍ୟାରିସ୍: ଚଳିତ ଫ୍ରେଞ୍ଚ ଓପନରେ ବିଶ୍ବ ଟେନିସ ମାନ୍ୟତାର ନମ୍ବର 1 ଖେଳାଳି ନୋଭାକ ଜୋକଭିକଙ୍କ ଐତିହାସିକ ପ୍ରଦର୍ଶନ । 4ଘଣ୍ଟା 11 ମିନିଟ ଧରି ଖେଳାଯାଇଥିବା ରୋମାଞ୍ଚକର ପୁରୁଷ ଏକକ ବର୍ଗର ଫାଇନାଲରେ ଗ୍ରୀକ୍ର ଷ୍ଟିଫନସ ସିତସିପସଙ୍କୁ 6-7(6),2-6.6-3,6-2,6-4ସେଟ୍ରେ ହରାଇ ଫ୍ରେଞ୍ଚ ଓପନ ଟାଇଟେଲ ଜିତିଛିନ୍ତି ଜୋକଭିକ ।
ଏହା ଜୋକଭିକଙ୍କ ଦ୍ବିତୀୟ ଫ୍ରେଞ୍ଚ ଓପନ ଟାଇଟେଲ ଓ ମୋଟ 19ତମ ଗ୍ରାଣ୍ଡ ସ୍ଲାମ ଟାଇଟେଲ୍ । ଏହି ବିଜୟ ସହ ଓପନ ଇତିହାସରେ ସମସ୍ତ 4ଟି ପ୍ରମୁଖ ଟ୍ରଫି ଦୁଇଥର ଲେଖାଏଁ ଜିତିବାରେ ପ୍ରଥମ ଖେଳାଳି । ପ୍ରଥମ ଦୁଇଟି ସେଟ୍ରେ ପରାଜୟ ମିଳିବା ସତ୍ତ୍ବେ, ସ୍ମରଣୀୟ ଆତ୍ମବିଶ୍ବାସର ନିଦର୍ଶନ ଦେଖାଇଥିଲେ ଜୋକଭିକ । ଶେଷ 3ଟି ସେଟ୍ରେ ଦମଦାର କମବ୍ୟାକ୍ କରିବା ସହ 22 ବର୍ଷୀୟ ସିତସିପସଙ୍କୁ ହରଇଥିଲେ ।
ମୋଟ 19ଟି ଗ୍ରାଣ୍ଡସ୍ଲାମ ଟାଇଟେଲ ସହ ଜୋକଭିକ ବର୍ତ୍ତମାନ ତାଙ୍କର ପ୍ରମୁଖ ପ୍ରତିନ୍ଦ୍ବନ୍ଦୀ ରୋଜର ଫେଡେରର ଓ ରାଫେଲ ନାଦାଲଙ୍କ ଠାରୁ ଗୋଟିଏ ଟାଇଟେଲ କମ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
