ହାଇଦ୍ରାବାଦ: ଚଳିତ ସପ୍ତାହରେ ଅଭ୍ୟାସକୁ ଫେରିବେ ଟେନିସ କିମ୍ବଦନ୍ତୀ ନୋବାକ ଜୋକଭିକ । ମହାମାରୀ କୋରୋନା ଭାଇରସ ଯୋଗୁଁ ପ୍ରାୟ 3 ମାସର ବ୍ୟବଧାନ ପରେ ଆଦରିଆ ଟୁର ସହ ଟେନିସ କୋର୍ଟରେ ନଜର ଆସିବେ ଜୋକଭିକ ।
ନୋବାକ ଜୋକଭିକ ଫାଉଣ୍ଡେସନ ପକ୍ଷରୁ ଆଦରିଆ ଟୁରର ଆୟୋଜନ କରାଯାଇଛି । ବିଶ୍ବ ଟେନିସ ମାନ୍ୟତାର ଶୀର୍ଷରେ ଥିବା ଜୋକଭିକ, ଅଷ୍ଟ୍ରିଆର ଡୋମିନିକ ଥିମ, ବେଲଗେରିଆନ ଷ୍ଟାର ଗ୍ରିଗର ଡିମିଟ୍ରୋଭ, କ୍ରୋଏସିଆ ଷ୍ଟାର ଯୋଡି ବୋର୍ଣ୍ଣା କୋରିକ ଓ ମାରିନ କିଲିକଙ୍କୁ ଏହି ଟୁର୍ଣ୍ଣାମେଣ୍ଟ ପାଇଁ ନିମନ୍ତ୍ରଣ କରିଛନ୍ତି ।
ଜୁଲାଇ 31 ପର୍ଯ୍ୟନ୍ତ ATP ଟୁର ସ୍ଥଗିତ ହୋଇଛି । ଫଳରେ ଏହି ଟୁରର ଆୟୋଜନ ଜୋକଭିକ ଫାଉଣ୍ଡେସନ ପକ୍ଷରୁ କରାଯାଇଛି ।
