ନୂଆଦିଲ୍ଲୀ: ସର୍ବଭାରତୀୟ ଟେନିସ ମହାସଂଘ(AITA) ଷ୍ଟାର ଖେଳାଳି ଅଙ୍କିତା ରାଇନା ଓ ପ୍ରଜନେଶ ଗୁନେଶ୍ବରନଙ୍କ ନାମ 2021 ବର୍ଷର ଅର୍ଜୁନ ଆୱାର୍ଡ ପାଇଁ ସୁପାରିଶ କରିଛି । ଜାତୀୟ ଟେନିସ ମହାସଂଘ ମଧ୍ୟ ଏନରିକୋ ପିପେରନୋ ଓ ବଳରାମ ସିଂହଙ୍କୁ ସମ୍ମାନଜନକ ଦ୍ରୋଣାଚାର୍ଯ୍ୟ ଆୱାର୍ଡ ପାଇଁ ମନୋନୀତ କରିଛି ।
"ପ୍ରଜନେଶ ଗୁନେଶ୍ବରନ ଓ ମହିଳା ବର୍ଗରେ ଅର୍ଜୁନ ଆୱାର୍ଡ ପାଇଁ ଅଙ୍କିତା ରାଇନାଙ୍କ ନାମ ସୁପାରିଶ ହୋଇଛି । ସେହିପରି ଏନରିକୋ ପିପେରନୋ ଓ ବଳରାମ ସିଂହଙ୍କୁ ଦ୍ରୋଣାଚାର୍ଯ୍ୟ ଆୱାର୍ଡ ପାଇଁ ସୁପାରିଶ କରାଯାଇଥିବା କହିଛନ୍ତି AITA ସାଧାରଣ ସମ୍ପାଦକ ଅନିଲ ଧୂପର ।
ଆଗାମୀ ଟୋକିଓ ଅଲମ୍ପିକ୍ସ ପାଇଁ ଭାରତୀୟ ପୁରୁଷ ଡବଲ୍ସ ଟିମ ଯୋଗ୍ୟତା ଅର୍ଜନ କରିବା ନେଇ ଆଶାବାଦୀ ଥିବା ଗତ ସପ୍ତାହରେ କହିଥିଲେ ଧୂପର । ଏଥିସହ ଅଙ୍କିତା ମଧ୍ୟ ଟୋକିଓ ଟିକେଟ ହାସଲ କରିବାନେଇ ଆଶାବାଦୀ ଅଛନ୍ତି AITA ସାଧାରଣ ସମ୍ପାଦକ । ଅଙ୍କିତାଙ୍କୁ ୱାଇଲ୍ଡ କାର୍ଡ ଏଣ୍ଟ୍ରି ପାଇଁ ଭାରତୀୟ ସଂଘ, ଅନ୍ତର୍ଜାତୀୟ ଟେନିସ ମହାସଂଘ(ITF)କୁ ଅନୁରୋଧ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
