ଶାରଜାହ: ଚଳିତ ଟି-୨୦ ବିଶ୍ବକପରେ ଗ୍ରୁପ ୧ ରେ ଥିବା ଇଂଲଣ୍ଡ ଓ ଦକ୍ଷିଣ ଆଫ୍ରିକା ଶେଷ ସୁପର ୧୨ ପର୍ଯ୍ୟାୟ ମ୍ୟାଚ୍ ଖେଳୁଛନ୍ତି । ଟସ୍ ଜିତି ଇଂଲଣ୍ଡ କ୍ୟାପଟେନ ଇଆନ ମୋର୍ଗାନ ପ୍ରଥମେ ଫିଲ୍ଡିଂ ନିଷ୍ପତ୍ତି ନେବାସହ ଦକ୍ଷିଣ ଆଫ୍ରିକାକୁ ବ୍ୟାଟିଂ ଆମନ୍ତ୍ରଣ କରିଥିଲେ । ପରେ ନିର୍ଦ୍ଧାରିତ ୨୦ ଓଭରରେ 2 ୱିକେଟ ହରାଇ 189 ରନ୍ ସଂଗ୍ରହ କରିଛି ଦକ୍ଷିଣ ଆଫ୍ରିକା । ଫଳରେ ଇଂଲଣ୍ଡ ସାମ୍ନାରେ ୧୯୦ ରନ୍ର ବିଜୟ ଲକ୍ଷ୍ୟ ରହିଛି ।
ଦକ୍ଷିଣ ଆଫ୍ରିକା ପକ୍ଷରୁ ରସି ଭନ ଡର୍ ଡସନ୍ ୯୪ ରନ୍ର ମାରାଥନ ଇଂନିସ ଖେଳିଛନ୍ତି । ୬୦ ବଲ୍ରୁ ୫ଟି ଚୌକା ଓ ୬ଟି ଛକା ସହାୟତାରେ ୯୪ ରନ୍ର ବିସ୍ଫୋରକ ଇଂନିସ ଖେଳିଛନ୍ତି ଡସନ୍ । ସେହିପରି ଆଡନ ମାର୍କମ ମଧ୍ୟ ୨୫ ବଲ୍ରୁ ୨ଟି ଚୋକା ଓ ୪ଟି ଛକା ସହାୟତାରେ ୫୨ ରନ୍ର ଦ୍ରୁତ ଅର୍ଦ୍ଧଶତକୀୟ ଇଂନିସ ଖେଳିଛନ୍ତି । ଓପନର କ୍ବିଣ୍ଟନ ଡିକକ୍ ୨୭ ବଲ୍ରୁ ୩୪ ରନ୍ର ଉପଯୋଗୀ ଯୋଗଦାନ କରିଛନ୍ତି ।
