ହାଇଦ୍ରାବାଦ: ICC ପୁରୁଷ ଟି-୨୦ ବିଶ୍ବକପର ସୁପର ୧୨ ପର୍ଯ୍ୟାୟ ପରେ ସେମିଫାଇନାଲରେ ପହଞ୍ଚିବାକୁ ୫ଟି ମ୍ୟାଚ୍ ବାକି ରହିଛି, ତେବେ ଏଯାବତ ସେମିଫାଇନାଲରେ କେବଳ ଗୋଟିଏ ଟିମ ପାକିସ୍ତାନ ହିଁ ସ୍ଥାନ ସୁନିଶ୍ଚିତ କରିପାରିଛି ।
ପାକିସ୍ତାନ ମଙ୍ଗଳବାର ନାମ୍ବିଆକୁ ହରାଇବା ସହ ଗ୍ରୁପ୍ ୨ରୁ ଶ୍ରେଷ୍ଠ ୪ ମଧ୍ୟରେ ଖେଳିବାକୁ ଟିକେଟ ହାସଲ କରିଛି । ଅନ୍ୟପଟେ ଶୁକ୍ରବାର ଖେଳାଯାଇଥିବା ମ୍ୟାଚ୍ର ପରିଣାମ ପରେ, ଏବେ ଦେଖିବାର କଥା ଯେ ଟୁର୍ଣ୍ଣାମେଣ୍ଟର ପରବର୍ତ୍ତୀ ପର୍ଯ୍ୟାୟରେ ପହଞ୍ଚିବାକୁ ପ୍ରତ୍ୟେକ ଟିମକୁ କଣ ଆବଶ୍ୟକ ରହିଛି ।
ଗ୍ରୁପ ୧
ସେମିଫାଇନାଲରେ ପହଞ୍ଚିବାକୁ ସର୍ବନିମ୍ନ ପଏଣ୍ଟ: 6 ପଏଣ୍ଟ
ସେମିଫାଇନାଲରେ ପହଞ୍ଚିବାକୁ ଜରୁରୀ ସର୍ବାଧିକ ପଏଣ୍ଟ: ୧୦ ପଏଣ୍ଟ
ଇଂଲଣ୍ଡ
ପଏଣ୍ଟ: ୮
ମ୍ୟାଚ୍: ୪
NRR: + ୩.୧୮୩
ମୁକାବିଲା ବାକି: ଦକ୍ଷିଣ ଆଫ୍ରିକା
ସେମିଫାଇନାଲରେ ପହଞ୍ଚିବାକୁ କଣ କରିବାକୁ ହେବ:
ଇଂଲଣ୍ଡ ୪ଟି ମ୍ୟାଚ୍ରୁ ୮ ପଏଣ୍ଟ ସହ ଶ୍ରେଷ୍ଠ ୪ ମଧ୍ୟରେ ନିଜର ସ୍ଥାନ ପକ୍କା କରିସାରିଛି । ଅନ୍ୟପଟେ ଅଷ୍ଟ୍ରେଲିଆ ଓ ଦକ୍ଷିଣ ଆଫ୍ରିକା ବର୍ତ୍ତମାନ ୪ଟି ମ୍ୟାଚ୍ରୁ ୩ ବିଜୟ ସହ ୬ ପଏଣ୍ଟ ହାସଲ କରିସାରିଛନ୍ତି । ଅଷ୍ଟ୍ରେଲିଆର ଶେଷ ମ୍ୟାଚ୍ ୱେଷ୍ଟଇଣ୍ଡିଜ ସହ ଓ ଇଂଲଣ୍ଡର ଶେଷ ମ୍ୟାଚ୍ ଦକ୍ଷିଣ ଆଫ୍ରିକା ସହ ରହିଛି । ଫଳରେ ଶେଷ ମ୍ୟାଚ୍ରେ ବିଜୟ ସହ ୮ ପଏଣ୍ଟ ହାସଲ କରିବାକୁ ଉଭୟଙ୍କ ପାଖେ ସୁଯୋଗ ରହିଛି । ଏପରି ସ୍ଥିତିରେ ଦକ୍ଷିଣ ଆଫ୍ରିକା ବଡ ବ୍ୟବଧାନରେ ଇଂଲଣ୍ଡକୁ ହରାଇ ରନ୍ ରେଟ୍ ସୁଧାରିବା ଆବଶ୍ୟକ କରୁଛି ।
ଅଷ୍ଟ୍ରେଲିଆ
ପଏଣ୍ଟ: ୬
ମ୍ୟାଚ୍: ୪
NRR: + ୧.୦୩୧
ମୁକାବିଲା ବାକି: ୱେଷ୍ଟଇଣ୍ଡିଜ
ସେମିଫାଇନାଲରେ ପହଞ୍ଚିବାକୁ କଣ କରିବାକୁ ହେବ: ବିଜୟ ଓ ଭାଗ୍ୟ
ବାଂଲାଦେଶ ବିପକ୍ଷରେ ବଡ ବିଜୟ ଇଂଲଣ୍ଡ ଠାରୁ ମିଳିଥିବା ପରାଜୟର ପ୍ରଭାବକୁ ବରାବର କରିଥିଲା, ମାତ୍ର ଭାଗ୍ୟ ସଂପୂର୍ଣ୍ଣ ଭାବେ କଙ୍ଗାରୁ ଟିମ ହାତରେ ନାହିଁ । ବର୍ତ୍ତମାନ NRR ତାଲିକାରେ ଦ୍ବିତୀୟ ସ୍ଥାନରେ ରହିଥିବା ଅଷ୍ଟ୍ରେଲିଆ ସୁପର ୧୨ରେ ଶେଷ ମ୍ୟାଚ୍ ୱେଷ୍ଟଇଣ୍ଡିଜ ସହ ରହିଛି ।
ଗୋଟିଏ ବିଜୟ ଅଷ୍ଟ୍ରେଲିଆକୁ ସେମିଫାଇନାଲରେ ସ୍ଥାନ ଗ୍ୟାରେଣ୍ଟି ଦେଇପାରିବ ନାହିଁ । କାରଣ ଦକ୍ଷିଣ ଆଫ୍ରିକା ଯଦି ଇଂଲଣ୍ଡକୁ ବଡ ବ୍ୟବଧାନରେ ହରାଇଦିଏ ତେବେ NRR ଅଷ୍ଟ୍ରେଲିଆ ଠାରୁ ଅଧିକ ହୋଇଯିବ । ସେହିପରି ଅଷ୍ଟ୍ରେଲିଆ ପାଇଁ ଅନ୍ୟଏକ ସମୀକରଣ ମଧ୍ୟ ରହିଛି । ଯଦି ୱେଷ୍ଟଇଣ୍ଡିଜ ବିପକ୍ଷ ମ୍ୟାଚ୍ରେ ଟିମ ପରାସ୍ତ ହେଉଛି, ସେମିଫାଇନାଲରେ ପହଞ୍ଚିବାର ସୁଯୋଗ ଶେଷ ହେବନାହିଁ । କାରଣ ଦକ୍ଷିଣ ଆଫ୍ରିକା, ଇଂଲଣ୍ଡ ଠାରୁ ମ୍ୟାଚ୍ ହାରିଲେ ସମାନ ପଏଣ୍ଟ ଦୃଷ୍ଟିରୁ ଅଷ୍ଟ୍ରେଲିଆ ପାଇଁ ସୁଯୋଗ ରହିବ ।
ସଂକ୍ଷେପରେ: ଶେଷ ମ୍ୟାଚ୍ରେ ୱେଷ୍ଟଇଣ୍ଡିଜକୁ ହରାଇବା ସହ ଏହା ଆଶା କରିବ ଯେ ଦକ୍ଷିଣ ଆଫ୍ରିକାକୁ ଇଂଲଣ୍ଡ ହରାଇବ କିମ୍ବା ଇଂଲଣ୍ଡକୁ ବଡ ବ୍ୟବଧାନରେ ହରାଇବ ନାହିଁ ।
ଦକ୍ଷିଣ ଆଫ୍ରିକା
ପଏଣ୍ଟ : ୬
ମ୍ୟାଚ୍: ୪
NRR: +୦.୭୪୨
ମୁକାବିଲା ବାକି: ଇଂଲଣ୍ଡ
ସେମିଫାଇନାଲରେ ପହଞ୍ଚିବାକୁ କଣ କରିବାକୁ ହେବ: ବିଜୟ ଓ ଆଶା
ଅଷ୍ଟ୍ରେଲିଆ ବିପକ୍ଷରେ ନିଜର ପ୍ରଥମ ପରାଜୟ ପରେ ଦକ୍ଷିଣ ଆଫ୍ରିକା ଭଲ କମବ୍ୟାକ କରିଛି । ମାତ୍ର ଅଷ୍ଟ୍ରେଲୀୟ ଟିମ ପରି ଭାଗ୍ୟ ସଂପୂର୍ଣ୍ଣ ରୂପେ ହାତରେ ନାହିଁ ।
ଅଷ୍ଟ୍ରେଲିଆ ଟିମ ବାଂଲାଦେଶକୁ ବଡ ବ୍ୟବଧାନରେ ହରାଇବା ସହ ନେଟ୍ ରନ୍ ରେଟ୍ ମାମଲାରେ ଦକ୍ଷିଣ ଆଫ୍ରିକାକୁ ପଛରେ ପକାଇଦେଇଛି । ଅଷ୍ଟ୍ରେଲିଆ ପରି ଦକ୍ଷିଣ ଆଫ୍ରିକାର ସ୍ଥିତି ରହିଛି । ଶେଷ ମ୍ୟାଚ୍ରେ ବିଜୟ ମଧ୍ୟ ସିଧାସଳଖ ସେମି ଟିକେଟ ଦେବନାହିଁ, ମାତ୍ର ପରାଜୟ ବିଦାୟ ରାସ୍ତା ଦେଖାଇବ ।
ଏପରି ସ୍ଥିତିରେ ଅଷ୍ଟ୍ରେଲିଆ ଓ ୱେଷ୍ଟଇଣ୍ଡିଜ ମ୍ୟାଚ୍ ପରେ ସ୍ପଷ୍ଟ ହେବ ଯେ ସେମିଫାଇନାଲରେ ସ୍ଥାନ ପାଇଁ ଦକ୍ଷିଣ ଆଫ୍ରିକାକୁ କେତେ ବ୍ୟବଧାନର ବିଜୟୀ ହେବାକୁ ପଡିବ ।
ସଂକ୍ଷେପରେ: ଅଷ୍ଟ୍ରେଲିଆ ଠାରୁ ନେଟ୍ ରନ୍ ରେଟ୍ ମାମଲାରେ ଆଗରେ ରହିବାକୁ ଇଂଲଣ୍ଡ ବିପକ୍ଷରେ ବଡ ବିଜୟ ଜରୁରୀ । ଅନ୍ୟପଟେ ୱେଷ୍ଟଇଣ୍ଡିଜ ମଧ୍ୟ ଅଷ୍ଟ୍ରେଲିଆକୁ ପରାସ୍ତ ପରେ ନେଟ୍ ରନ୍ ରେଟ୍ କମ୍ ହୋଇଯିବ ।
ଗ୍ରୁପ ୨:
ସେମିଫାଇନାଲରେ ପହଞ୍ଚିବାକୁ ସର୍ବନିମ୍ନ ପଏଣ୍ଟ: ୬ ପଏଣ୍ଟ
ସେମିଫାଇନାଲରେ ପହଞ୍ଚିବାକୁ ଆବଶ୍ୟକ ସର୍ବାଧିକ ପଏଣ୍ଟ: ୮ପଏଣ୍ଟ
ପାକିସ୍ତାନ
ପଏଣ୍ଟ: ୮
ମ୍ୟାଚ୍: ୪
ମୁକାବିଲା ବାକି: ସ୍କଟଲାଣ୍ଡ
ସେମିଫାଇନାଲରେ ପହଞ୍ଚିବାକୁ କଣ କରିବାକୁ ହେବ: ଶୀର୍ଷ ସ୍ଥାନରେ ସ୍ଥିର ରହିବାକୁ ଗୋଟିଏ ବିଜୟ ଜରୁରୀ
ଭାରତକୁ ୧୦ ୱିକେଟରେ ହରାଇବା ପରେ ପାକିସ୍ତାନ, ଇଂଲଣ୍ଡ ପରି ସେମିଫାଇନାଲ ଖେଳିବା ନିଶ୍ଚିତ କରିଛି । ନ୍ୟୁଜିଲାଣ୍ଡ, ଆଫଗାନିସ୍ତାନ ଓ ନାମ୍ବିଆକୁ ମଧ୍ୟ ପରାସ୍ତ କରିଛି ପାକିସ୍ତାନ
ନ୍ୟୁଜିଲାଣ୍ଡ
ପଏଣ୍ଟ: ୬
ମ୍ୟାଚ୍: ୪
ମୁକାବିଲା ବାକି: ଆଫଗାନିସ୍ତାନ
ସେମିଫାଇନାଲରେ ପହଞ୍ଚିବାକୁ କଣ କରିବାକୁ ହେବ: ଆଫଗାନିସ୍ତାନ ବିପକ୍ଷରେ ବିଜୟ
ଯଦି ନ୍ୟୁଜିଲାଣ୍ଡ ରବିବାର ଆଫଗାନିସ୍ତାନକୁ ହରାଇଦିଏ, ତେବେ ସେମିଫାଇନାଲ ଟିକେଟ ହାସଲ କରିନେବ ।
ମାତ୍ର ମ୍ୟାଚ୍ରେ ପରାଜୟର ମୁହଁ ଦେଖିବାକୁ ପଡିଲେ ନେଟ୍ ରନ୍ ରେଟ୍ ସମୀକରଣରେ ପଛରେ ପଡିଯିବ । ଏପରି ସ୍ଥିତିରେ ଚତୁର୍ଥ ସ୍ଥାନରେ ରହିପାରେ, କାରଣ ଭାରତ ସୋମବାର ନାମ୍ବିଆ ବିପକ୍ଷରେ ଖେଳିବ।
ସଂକ୍ଷେପରେ: ଶେଷ ମ୍ୟାଚ୍ରେ ବିଜୟ ସେମିଫାଇନାଲରେ ସ୍ଥାନ ପକ୍କା ।
ଭାରତ
ପଏଣ୍ଟ: ୪
ମ୍ୟାଚ୍ : ୪
: + ୧.୬୧୯
ସେମିଫାଇନାଲ ଖେଳିବାକୁ କଣ କରିବାକୁ ହେବ: ନାମ୍ବିଆକୁ ହରାଇବା ସହ ନ୍ୟୁଜିଲାଣ୍ଡ, ଆଫଗାନିସ୍ତାନକୁ ହରାଇବ ଆଶା କରିବ ।
ପାକିସ୍ତାନ ଓ ନ୍ୟୁଜିଲାଣ୍ଡ ବିପକ୍ଷରେ ପରାଜୟ ପରେ ଗ୍ରୁପ ପର୍ଯ୍ୟାୟରୁ ବାହାର ହେବା ଦ୍ବାରରେ ରହିଛି । ଯଦି କେନ ୱିଲିୟମସନଙ୍କ ଟିମ ଶେଷ ମ୍ୟାଚ୍ରେ ଆଫଗାନିସ୍ତାନକୁ ହରାଇଦିଏ, ତେବେ ବିରାଟ କୋହଲିଙ୍କ ଟିମ ଟୁର୍ଣ୍ଣାମେଣ୍ଟରୁ ବାଦ୍ ପଡିବ । ମାତ୍ର ଯଦି ନ୍ୟୁଜିଲାଣ୍ଡକୁ ହରାଇବାରେ ଆଫଗାନ ଟିମ ସଫଳ ହୋଇଯାଏ, ଭାରତ ସେମିଫାଇନାଲ ଖେଳିବା ସମ୍ଭାବନା ରହିବ । ଏପରି ସ୍ଥିତିରେ ଆଫଗାନିସ୍ତାନ ଓ ଭାରତ ଓ ନ୍ୟୁଜିଲାଣ୍ଡର ପଏଣ୍ଟ ସମାନ ହୋଇଯିବ ଓ ରନ୍ ରେଟ୍ ଆଧାରରେ ଗ୍ରୁପ ୨ରୁ ଦ୍ବିତୀୟ ଟିମ ଭାବେ ଏହି ୩ଟି ଟିମ ମଧ୍ୟରୁ ଜଣଙ୍କୁ ସେମି ଟିକେଟ ମିଳିବ । ଫଳରେ ଭାରତ ତାର ଶେଷ ମ୍ୟାଚ୍ରେ ନାମ୍ବିଆକୁ ହରାଇ ରନ୍ ରେଟ୍ ଅଧିକ ସହ ସୁରକ୍ଷିତ ରହିବାକୁ ଚାହିଁବ ।
ଆଫଗାନିସ୍ତାନ
ପଏଣ୍ଟ: ୪
ମ୍ୟାଚ୍: ୪
NRR: +୧.୪୮୧
ମୁକାବିଲା ବାକି: ନ୍ୟୁଜିଲାଣ୍ଡ
ସେମିଫାଇନାଲ ଖେଳିବାକୁ କଣ କରିବାକୁ ହେବ: ନ୍ୟୁଜିଲାଣ୍ଡକୁ ବିପକ୍ଷରେ ବଡ ବ୍ୟବଧାନରେ ବିଜୟ ।
ଭାରତ ଠାରୁ ବଡ ପରାଜୟ ମିଳିବା ପରେ ଗ୍ରୁପ ୨ ସ୍ଥିତି ରୋମାଞ୍ଚକର ହୋଇଛି । ନ୍ୟୁଜିଲାଣ୍ଡକୁ ହରାଇପାରିଲେ ସେମିଫାଇନାଲକୁ ଯିବାର ସମ୍ଭାବନା ରହିବ । ମାତ୍ର ଭାରତର ସର୍ବଶ୍ରେଷ୍ଠ ରନ୍ ରେଟ୍ ଥିବାରୁ କେବଳ ବିଜୟ ସେମି ଟିକେଟ ପାଇଁ ପର୍ଯ୍ୟାପ୍ତ ହେବନାହିଁ ।
ଆଫଗାନିସ୍ତାନର ପରାଜୟ ବିଦାୟର ରାସ୍ତା ଦେଖାଇବ । ତେବେ ଯଦି ବିଜୟ ମିଳେ NRR ଆଧାରରେ ନିର୍ଣ୍ଣୟ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
