ହାଇଦ୍ରାବାଦ: ରୋନାଲ୍ଡଙ୍କୁ ସମର୍ଥନ କଲେ ଷ୍ଟାର ବ୍ୟାଟର ବିରାଟ । କହିଲେ ଫୁଟବଲ ପ୍ରତି ରୋନାଲ୍ଡଙ୍କ ଅବଦାନ ଅତୁଳନୀୟ । ଫିଫା ବିଶ୍ବକପରେ ପର୍ତ୍ତୁଗାଲର ଯାତ୍ରା ସମାପ୍ତ ହୋଇଛି । ଏହା ସହିତ ଲୋକପ୍ରିୟ ଖେଳାଳି ରୋନାଲ୍ଡଙ୍କ ବିଶ୍ବକପ ଜିତିବା ସ୍ବପ୍ନ ମଧ୍ୟ ସ୍ବପ୍ନରେ ରହିଯାଇଛି । ଏହି କିମ୍ବଦନ୍ତୀ ଫୁଟବଲରଙ୍କ ଏହା ଶେଷ ବିଶ୍ବକପ ଥିଲା । ତେଣୁ ସେ ଫିଫା ବିଶ୍ବକପ ୨୦୨୨ର ବିଜୟୀ ଟିମର ସଦସ୍ୟ ହେବାକୁ ଆଶା ରଖିଥିଲେ । ହେଲେ ପର୍ତ୍ତୁଗାଲର ବିଶ୍ବକପ ଯାତ୍ରା ସମାପ୍ତ ହେବା ପରେ ରୋନାଲ୍ଡଙ୍କର ସବୁ ଆଶା ଯେମିତି ମଉଳି ଯାଇଛି ।
- " class="align-text-top noRightClick twitterSection" data="
">
ପ୍ରିକ୍ବାର୍ଟର ଫାଇନାଲ ଓ କ୍ବାର୍ଟର ଫାଇନାଲ ଭଳି ଗୁରୁତ୍ବପୂର୍ଣ୍ଣ ମ୍ୟାଚରେ ରୋନାଲ୍ଡଙ୍କୁ ଖେଳିବାକୁ ସୁଯୋଗ ଦିଆଯାଇ ନଥିଲା । କ୍ବାର୍ଟର ଫାଇନାଲରେ ମରକ୍କୋଠାରୁ ୧-୦ରେ ପରାସ୍ତ ହେବା ପରେ ପର୍ତ୍ତୁଗାଲର ଫିଫା ବିଶ୍ବକପ ଜିତିବା ସ୍ବପ୍ନ ଚୂରମାର ହୋଇଥିଲା । ତେବେ ଷ୍ଟାର କ୍ରିକେଟର ବିରାଟ କୋହଲି ଲୋକପ୍ରିୟ ଖେଳାଳି କ୍ରିଷ୍ଟିଆନୋ ରୋନାଲ୍ଡଙ୍କୁ ବେଶ୍ ପ୍ରଶଂସା କରିଛନ୍ତି । କୋହଲି ତାଙ୍କ ଇନଷ୍ଟାଗ୍ରାମ ପୋଷ୍ଟରେ ଲେଖିଛନ୍ତି, "ବଡ ବଡ ଟୁର୍ଣ୍ଣାମେଣ୍ଟରେ ବିଶ୍ବର ଫୁଟବଲ ପ୍ରଶଂସକଙ୍କ ପାଇଁ ଆପଣଙ୍କ ଅବଦାନ ପାଇଁ କୌଣସି ଟ୍ରଫି ବା ପୁରସ୍କାର ନାହିଁ । କେହି ବି ଫୁଟବଲ ପ୍ରତି ଆପଣଙ୍କ ଅତୁଳନୀୟ ଅବଦାନର ବ୍ୟାଖ୍ୟା କରିପାରିବେ ନାହିଁ । ଯେବେ ମୁଁ ତଥା ବିଶ୍ବର ସମସ୍ତ ଫୁଟବଲ ପ୍ରଶଂସକ ଆପଣଙ୍କୁ ଦେଖି ଯେଉଁ ପ୍ରେରଣା ମିଳିଥାଏ ତାହା ଆପଣ ସହଜରେ ବୁଝି ପାରିବେ ନାହିଁ ।"
ସେ ଆହୁରି ମଧ୍ୟ କହିଛନ୍ତି, "ଏହା ଭଗବାନଙ୍କର ଏକ ମୂଲ୍ୟବାନ ଉପହାର । ଏଭଳି ପ୍ରତିଭାବାନ ମଣିଷ ଯିଏ ସବୁ ସମୟରେ ଦଳ ପ୍ରତି ଏକ ସମର୍ପଣ ଭାବନା ନେଇ ଖେଳିଥାନ୍ତି । ଆପଣ ଜଣେ ପରିଶ୍ରମ ଓ ସମର୍ପଣ ଭାବନାର ସୁନ୍ଦର ପ୍ରତିକ । କୌଣସି ଖେଳାଳି ପାଇଁ ଆପଣ ଜଣେ ପ୍ରେରଣା । ଆପଣ ମୋ ପାଇଁ ବିଶ୍ବର ଜଣେ ମହାନ ଖେଳାଳି ।"
