ନୂଆଦିଲ୍ଲୀ: ପୁଣିଥରେ ରିଙ୍ଗରେ କମାଲ ଦେଖାଇଲେ ଭାରତୀୟ ଦଙ୍ଗଲ ଗାର୍ଲ ଭିନେଶ ଫୋଗଟ୍ । ପୋଲାଣ୍ଡ ଓପନ କୁସ୍ତି ଯୁଦ୍ଧରେ ସ୍ବର୍ଣ୍ଣ ହାତେଇଛନ୍ତି ଭିନେଶ । ତେବେ ଏହି ବିଜୟ ସହ ନିଜ କ୍ୟାରିୟରରେ ଲଗାତାର 3ୟ ଥର ପାଇଁ ସ୍ବର୍ଣ୍ଣ ହାତେଇଛନ୍ତି ସେ । ଏହି 24 ବର୍ଷୀୟା କୁସ୍ତୀ ଯୋଦ୍ଧା ଫାଇନାଲ ଇଭେଣ୍ଟରେ ସ୍ଥାନୀୟ ରେସଲର ରୋକ୍ସନାଙ୍କୁ 3-2 ଗେମରେ ମାତ୍ ଦେଇଛନ୍ତି ।
ତେବେ ଟୁର୍ଣ୍ଣାମେଣ୍ଟର ସେମିଫାଇନାଲ ଇଭେଣ୍ଟରେ ଅଲମ୍ପିକ୍ ବ୍ରୋଞ୍ଜ ପଦକ ବିଜୟିନୀ ସୋଫିଆ ମାଟ୍ତୋନାଙ୍କୁ ପରାସ୍ତ କରି ଫାଇନାଲରେ ସ୍ଥାନ ପକ୍କା କରିଥିଲେ । ନିକଟରେ ଗ୍ରାଣ୍ଡ ପିକ୍ସ ଅଫ ସ୍ପେନ ଓ ତୁର୍କୀଠାରେ ସମାପ୍ତ ହୋଇଥିବା ଆନ୍ତର୍ଜାତୀୟ ଟୁର୍ଣ୍ଣାମେଣ୍ଟରେ ସ୍ବର୍ଣ୍ଣ ପଦକ ହାତେଇ ଥିଲେ ।
