ଟୋକିଓ: ଯୁବ ଭାରତୀୟ କୁସ୍ତିଯୋଦ୍ଧା ଅଂଶୁ ମଲିକ ୟୁରୋପିଅନ ଚମ୍ପିଆନ ବେଲାରୁସ କୁସ୍ତିଯୋଦ୍ଧା ଲିରିନା କୁରାଚକିନାଙ୍କ ଠାରୁ ପରାସ୍ତ ହୋଇଛନ୍ତି । ଚଳିତ ଟୋକିଓ ଅଲମ୍ପିକ୍ରେ ବୁଧବାର ଖେଳାଯାଇଥିବା ମହିଳା କୁସ୍ତି ଫ୍ରି-ଷ୍ଟାଇଲ ୫୭ କିଲୋଗ୍ରାମ ଇଭେଣ୍ଟରେ ପରାଜୟର ସାମ୍ନା କରିଛନ୍ତି ଅଂଶୁ ।
ମ୍ୟାଚ୍ ଆରମ୍ଭରୁ ବେଲାରସ ଖେଳାଳି ଆଗୁଆ ରହିଥିଲେ ଓ ରାଉଣ୍ଡ ୪-୦ରେ ଶେଷ କରିଥିଲେ । ଅଭିଜ୍ଞତା ଓ ଆକ୍ରମଣତାରେ ସେ ଅଂଶଙ୍କୁ ଠାରୁ ଆଗରେ ରହିଥିଲେ । ଦ୍ବିତୀୟ ସମୟ ଅବଧି ମଧ୍ୟରେ ଅଂଶୁ ଭଲ ପ୍ରଦର୍ଶନ କରିବା ସହ ୨ ପଏଣ୍ଟ ହାତେଇଥିଲେ ମଧ୍ୟ ଏହା ଯଥେଷ୍ଟ ହୋଇନଥିଲା । ୮-୨ରେ ପରାସ୍ତ ହେବାକୁ ପଡିଥିଲା ।
ଏସିଆନ ଚମ୍ପିଆନ ଅଂଶୁ ମଲିକ ଗତ ବର୍ଷ ବ୍ୟକ୍ତିଗତ ବିଶ୍ବକପରେ ରୌପ୍ୟ ପଦକ ଜିତିଥିଲେ । ଚଳିତ ଟୋକିଓ ଅଲମ୍ପିକରେ ଭାରତର କୁସ୍ତି ଟିମ ଆଶାନୁରୂପ ସଫଳତା ହାସଲ କରିପାରିନାହିଁ । କୁସ୍ତିଯୋଦ୍ଧା ସୋନମ ମଲିକ ପ୍ରଥମ ରାଉଣ୍ଡରେ ପରାଜୟ ସହ ପ୍ରତିଯୋଗିତାରୁ ବାହାର ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
