ହାଇଦ୍ରାବାଦ: ଚଳିତ ବର୍ଷ ଅନେକ ଖେଳାଳି ରାଜନୀତି ମୁହାଁ ହୋଇଥିବାର ଦେଖିବାକୁ ମିଳିଛି । କିଛି ଭାରତୀୟ ଖେଳାଳି ଲୋକସଭା ନିର୍ବାଚନରେ ମଧ୍ୟ ନିଜର ଭାଗ୍ୟ ପରୀକ୍ଷା କରିଥିଲେ । ସେମାନଙ୍କ ମଧ୍ୟରୁ କିଛି ସଫଳତା ମଧ୍ୟ ପାଇଛନ୍ତି । ତେବେ ଆସନ୍ତୁ ନଜର ପକାଇବା 2019ରେ କ୍ରୀଡାବିତଙ୍କ ରାଜନୀତି ଇିନଂସ..
1. ଗୌତମ ଗମ୍ଭୀର:
ଭାରତୀୟ ଟିମର ପୂର୍ବତନ କ୍ରିକେଟର ଗୌତମ ଗମ୍ଭୀର ଚଳିତବର୍ଷ ଭାରତୀୟ ଜନତା ପାର୍ଟିରେ ଯୋଡି ହୋଇଥିଲେ । ଏଥିସହ ଏହି ବର୍ଷ ପୂର୍ବ ଦିଲ୍ଲୀ ସିଟରୁ ଲୋକସଭା ନିର୍ବାଚନ ଲଢି ବିଜୟ ତିଳକ ମଧ୍ୟ ଲଗାଇଛନ୍ତି ।
2.ସନ୍ଦୀପ ସିଂ:
ଭାରତୀୟ ହକି ଟିମର ପୂର୍ବତନ ଅଧିନାୟକ ସନ୍ଦୀପ ସିଂ କୁରୁକ୍ଷେତ୍ରର ପିହୋଓ୍ବା ନିର୍ବାଚନ ମଣ୍ଡଳୀରୁ ନିର୍ବାଚନ ଲଢି ନିଜର ରାଜନୀତିକ କ୍ୟାରିଅର ଆରମ୍ଭ କରିଛନ୍ତି । ତାଙ୍କର ପ୍ରତିଦ୍ବନ୍ଦୀ କଂଗ୍ରେସର ମନ୍ଦୀପ ସିଂଙ୍କୁ ସେ ବିପୁଳ ଭୋଟରେ ପରାସ୍ତ କରିଥିଲେ ।
3.ବବିତା ଫୋଗାଟ:
ଫୋଗାଟ ପରିବାରର ବବିତା ବି ଭାରତୀୟ ଜନତା ପାର୍ଟିରେ ସାମିଲ ହୋଇ ରାଜନୀତି କ୍ୟାରିଅରରେ କ୍ୟାରିଅର ଆରମ୍ଭ କରିଥିଲେ । ସେ ହରିୟାଣାର ଚରଖୀ ଦାଦରି ବିଧାନସଭା ସିଟରୁ ନିର୍ବାଚନ ଲଢିଥିଲେ । କିନ୍ତୁ ବିଜୟର ସ୍ବାଦ ଚାଖି ପାରିନଥିଲେ ।
4.ବିଜେନ୍ଦ୍ର ସିଂ:
ବିଜେନ୍ଦ୍ର ଦକ୍ଷିଣ ଦିଲ୍ଲୀରୁ କଂଗ୍ରେସ ପାର୍ଥୀ ଭାବେ ନିର୍ବାଚନ ଲଢିଥିଲେ । ତାଙ୍କୁ ମଧ୍ୟ ପରଜାୟର ସାମ୍ନା କରିବାକୁ ପଡିଥିଲା ।
5.ଯୋଗେଶ୍ବର ଦତ୍ତ:
ଭାରତର କୁସ୍ତି ଯୋଦ୍ଧା ଯୋଗେଶ୍ବର ଦତ୍ତ ହରିୟାଣା ବିଧାନସଭାର ସିଟରୁ ନିର୍ବାଚନ ଲଢିଥିଲେ । ସେ ବି ମଧ୍ୟ ପରାସ୍ତ ହୋଇଥିଲେ ।
6.କୃଷ୍ଣା ପୁନିୟା:
ଆଥଲେଟିକ ପ୍ଲେୟାର କୃଷ୍ଣା ପୁନିୟା ଚଳିତବର୍ଷ ଲୋକସଭା ନିର୍ବାଚନରେ କଂଗ୍ରେସ ପାର୍ଥୀ ଭାବେ ରାଜସ୍ଥାନର ଜୟପୁର ଗ୍ରାମୀଣ ସିଟରୁ ଛିଡା ହୋଇଥିଲେ । ପୁନିୟାଙ୍କୁ ବିଜେପି ସାଂସଦ ରାଜ୍ୟବର୍ଦ୍ଧନ ରାଠୋର ପରାଜିତ କରିଥିଲେ ।
