ଅମନ: ଭାରତୀୟ ବକ୍ସିଂ ପାଇଁ ଖୁସି ଖବର । 6 ଜଣ ଭାରତୀୟ ଷ୍ଟାର ବକ୍ସର ଏସିଆନ ବକ୍ସିଂ କ୍ବାଲିଫାୟର ସେମିଫାଇନାଲରେ ପ୍ରବେଶ କରିବା ସହ ଟୋକିଓ ଅଲମ୍ପିକ ଯୋଗ୍ୟତା ହାସଲ କରିଛନ୍ତି । ସୋମବାର ବିଶ୍ବ ଚମ୍ପିଆନସିପର ରୌପ୍ୟ ପଦକ ବିଜେତା ଅମିତ ପାଙ୍ଗଲ 52 କେଜି ବର୍ଗରେ ଏସିଆନ ଅଲିମ୍ପିକ କ୍ୱାଲିଫାୟରର ସେମିଫାଇନାଲରେ ପ୍ରବେଶ କରିଛନ୍ତି । ଏଥି ସହିତ 2020 ଟୋକିଓ ଅଲିମ୍ପିକ୍ସରେ ଭାରତ ପାଇଁ ଷଷ୍ଠ କୋଟା ସୁରକ୍ଷିତ କରିଛନ୍ତି । ତେବେ ସେ ଫିଲିପାଇନ୍ସର କାର୍ଲୋ ପାଲାମଙ୍କୁ 4-1ରେ ପରାସ୍ତ କରିଛନ୍ତି |
ସେହିପରି ବିଶ୍ବ ଚମ୍ପିଆନସିପ୍ ବ୍ରୋଞ୍ଜ ପଦକ ବିଜେତା ମନୀଷ କୌଶିକ 63କେଜି ବର୍ଗରେ ସେମିଫାଇନାଲରେ ପ୍ରବେଶ କରିଛନ୍ତି । ତେବେ ବୁଧବାର ମନୀଷ ଅଷ୍ଟ୍ରେଲିଆର ହାରିସନ୍ ଗାରସାଇଡଙ୍କୁ ଭେଟିବେ । ସେହିପରି 69 କିଲୋଗ୍ରାମ ବର୍ଗରେ ଲବଲିନା ବରଗୋହେନ ଓ 75 କିଲୋଗ୍ରାମ ବର୍ଗରେ ଆଶିଷ କୁମାର ଅଲମ୍ପିକ ଯୋଗ୍ୟତା ହାସଲ କରିଛନ୍ତି ।
