Indian Grand Prix 5: ଜାଭେଲିନରେ ବାଜି ମାରି ନେଲେ କିଶୋର ଜେନା

ଇଣ୍ଡିଆନ ଗ୍ରାଣ୍ଡପ୍ରିକ୍ସ-5 ପୁରୁଷ ଜାଭେଲିନ ଥ୍ରୋରେ ବାଜି ମାରି ନେଇଛନ୍ତି କିଶୋର ଜେନା । 82.53 ମିଟର ଜାଭେଲିନ ଫିଙ୍ଗି ପ୍ରଥମ ସ୍ଥାନ ଅଧିକାର କରିଛନ୍ତି କିଶୋର । ଅଧିକ ପଢନ୍ତୁ

ଭୁବନେଶ୍ବର: ଇଣ୍ଡିଆନ ଗ୍ରାଣ୍ଡପ୍ରିକ୍ସ-5ରେ ଚମକିଲେ ଓଡିଆ ଆଥଲେଟ ତଥା ଜାଭେଲିନ ଫିଙ୍ଗାଳୀ କିଶୋର ଜେନା । ହାଙ୍ଗଝୌ ଏସୀୟ କ୍ରୀଡା ପୂର୍ବରୁ ଭାରତୀୟ ଆଥଲେଟଙ୍କ ପ୍ରାକ ପ୍ରସ୍ତୁତି ନେଇ ଚଣ୍ଡିଗଡରେ ଇଣ୍ଡିଆନ ଗ୍ରାଣ୍ଡପ୍ରିକ୍ସ-5 ଅନୁଷ୍ଠିତ ହୋଇଛି । ଏଥିରେ ପୁରୁଷ ଜାଭେଲିନ ଥ୍ରୋ ଇଭେଣ୍ଟରେ ବିଜେତା ହୋଇଛନ୍ତି କିଶୋର କୁମାର । 82.53ମିଟର ଜାଭେଲିନ ଫିଙ୍ଗି ପ୍ରଥମ ସ୍ଥାନ ଅଧିକାର କରିଛନ୍ତି କିଶୋର ।

• Congratulations #Odisha Javelin sensation Kishore Kumar Jena on winning the Indian Grand Prix 5 with a throw of 82.53m.#OdishaForSports pic.twitter.com/O3ZzYTyq20

  — Odisha Sports (@sports_odisha) September 10, 2023 " class="align-text-top noRightClick twitterSection" data="

  Congratulations #Odisha Javelin sensation Kishore Kumar Jena on winning the Indian Grand Prix 5 with a throw of 82.53m.#OdishaForSports pic.twitter.com/O3ZzYTyq20

  — Odisha Sports (@sports_odisha) September 10, 2023

  ">

  Congratulations #Odisha Javelin sensation Kishore Kumar Jena on winning the Indian Grand Prix 5 with a throw of 82.53m.#OdishaForSports pic.twitter.com/O3ZzYTyq20

  — Odisha Sports (@sports_odisha) September 10, 2023

କିଶୋର ତାଙ୍କ ପ୍ରଥମ ପ୍ରୟାସରେ 82.53 ମିଟର ଜାଭେଲିନ ଫିଙ୍ଗିଥିଲେ । ଦ୍ବିତୀୟ ଓ ତୃତୀୟ ରାଉଣ୍ଡରେ ଯଥାକ୍ରମେ 80.74 ମିଟର, 81.56 ମିଟର ଜାଭେଲିନ ଫିଙ୍ଗିଥିଲେ । ତାଙ୍କୁ ଆଉ କୌଣସି ଆଥଲେଟ ଅତିକ୍ରମ କରି ପାରିନଥିଲେ । ଏହି ସଫଳତା ସହ ସ୍ବର୍ଣ୍ଣ ପଦକ ଜିତିଛନ୍ତି କିଶୋର ଜେନା । ଏହି ଇଭେଣ୍ଟରେ ଦ୍ବିତୀୟ ସ୍ଥାନରେ ଉତ୍ତରପ୍ରଦେଶର ବିକାଶ ଯାଦବ ରହିଥିଲେ । ସେ 72.88ମିଟର ଜାଭେଲିନ ଫିଙ୍ଗି ରୌପ୍ୟ ପଦକ ଜିତିଛନ୍ତି । ସେହିପରି ରାଜସ୍ଥାନର ହରିଶ କୁମାର 71.78ମିଟର ଜାଭେଲିନ ଫିଙ୍ଗି ତୃତୀୟ ସ୍ଥାନରେ ରହିବା ସହ ବ୍ରୋଞ୍ଜ ପଦକ ଜିତିଛନ୍ତି ।

ଅନ୍ୟପଟେ ଇଣ୍ଡିଆନ ଗ୍ରାଣ୍ଡପ୍ରିକ୍ସ-5ରେ ଆଉ ଜଣେ ଓଡିଆ ଆଥଲେଟ ସଫଳତା ହାସଲ କରିଛନ୍ତି । 100ମିଟର ଦୌଡରେ ବାଜି ମାରିଛନ୍ତି ଶ୍ରାବଣୀ ନନ୍ଦ । ନିର୍ଦ୍ଧାରିତ ଦୂରତାକୁ 11.77ସେକେଣ୍ଡରେ ଅତିକ୍ରମ କରି ପ୍ରଥମ ସ୍ଥାନ ଅଧିକାର କରିଛନ୍ତି ଶ୍ରାବଣୀ । ଏହି ଇଭେଣ୍ଟରେ ତେଲେଙ୍ଗାନାର ନିତ୍ୟା 11.85 ସେକେଣ୍ଡରେ ଦୂରତା ଅତିକ୍ରମ କରି ଦ୍ବିତୀୟ ଓ କର୍ଣ୍ଣାଟକର ଏଟି ଧନେଶ୍ବରୀ 11.94 ସେକେଣ୍ଡରେ ଅତିକ୍ରମ କରି ତୃତୀୟ ସ୍ଥାନରେ ରହିଛନ୍ତି ।

ପ୍ରକାଶ ଥାଉ କି, ପ୍ରଥମ ଓଡିଆ ଜାଭେଲିନ ଫିଙ୍ଗାଳୀ ଭାବେ ନିକଟରେ ସଦ୍ୟ ସମାପ୍ତ ବିଶ୍ବ ଆଥଲେଟିକ୍ସ ଚମ୍ପିଆନସିପରେ ଅଶଂ ଗ୍ରହଣ କରିଥିଲେ କିଶୋର ଜେନା । ସ୍ବର୍ଣ୍ଣ ପଦକ ଜିତିନଥିଲେ ସୁଦ୍ଧା ସମସ୍ତଙ୍କ ମନ ଜିତିଥିଲେ କିଶୋର । ଶ୍ରେଷ୍ଠ ପ୍ରଦର୍ଶନ କରି ସମସ୍ତଙ୍କ ହୃଦୟ ଜିତିଛନ୍ତି କିଶୋର ଜେନା । ହଙ୍ଗେରୀର ବୁଦାପେଷ୍ଟରେ ଅନୁଷ୍ଠିତ ବିଶ୍ବ ଆଥଲେଟିକ୍ସ ଚମ୍ପିଆନସିପ ପୁରୁଷ ଜାଭେଲିନ ଥ୍ରୋ ଇଭେଣ୍ଟରେ 84.77 ମିଟର ଜାଭେଲିନ ଫିଙ୍ଗି କ୍ୟାରିଅରର ଶ୍ରେଷ୍ଠ ଦମଦାର ପ୍ରଦର୍ଶନ କରି ପଞ୍ଚମ ସ୍ଥାନରେ ରହିଥିଲେ । ଏହା ପରେ ତାଙ୍କୁ ଶୁଭେଚ୍ଛା ସମ୍ବର୍ଦ୍ଧନାର ସୁଅ ଛୁଟିଥିଲା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କୁ ସମ୍ବର୍ଦ୍ଧନା କରିବା ସହ 50 ଲକ୍ଷ ଟଙ୍କାର ପୁରସ୍କାର ରାଶି ପ୍ରଦାନ କରାଯାଇଥିଲା ।