ନୂଆଦିଲ୍ଲୀ: ମହାନ ସ୍ପ୍ରିଣ୍ଟର ମିଲଖା ସିଂହଙ୍କ ଝିଅ ନ୍ୟୁୟର୍କରେ ଦୌଡୁଛନ୍ତି ମାରାଥନ । କୌଣସି ଟ୍ରାକରେ ନୁହେଁ ବଂର ଡାକ୍ତରଖାନାରେ । କୋରୋନା ମୁକାବିଲା ପାଇଁ ଆଗଧାଡିର ଯୋଦ୍ଧା ସେ । ଜଣେ ଡାକ୍ତର ଭାବରେ ନ୍ୟୁୟର୍କର ମେଟ୍ରୋପୋଲିଟାନ ହସ୍ପିଟାଲ ସେଣ୍ଟରରେ କାର୍ଯ୍ୟରତ ମୋନା ମିଲଖା ସିଂହ ।
ଆମେରିକାରେ ଏଯାବତ 40,000ରୁ ଅଧିକ ମୁଣ୍ଡ ନେଇ ସାରିଥିବା କୋରୋନା ସହ ଯୁଦ୍ଧ କରୁଛନ୍ତି ମୋନା ।
‘‘ସେ ଜଣେ ଏମରଜେନ୍ସି ରୁମ ଡାକ୍ତର । ଯେତେବେଳେ କେହି ରୋଗୀ କୋରୋନା ସଂକ୍ରମଣର ସକ୍ଷଣ ସହ ଆସେ ସେ ତାର ଚିକିତ୍ସା କରନ୍ତି’’, ବୋଲି ମୋନାଙ୍କ ଭାଇ ତଥା ଗଲ୍ଫ ଖେଳାଳି ଜୀଭ ମିଲଖା ସିଂହ କହିଛନ୍ତି ।
ସେ ଆଗକୁ କହିଛନ୍ତି ଯେ, ‘‘ସେ ରୋଗୀଙ୍କୁ ସ୍ପେସିଆଲ ୱାର୍ଡକୁ ପଠାଇବା ପୂର୍ବରୁ ଯାଞ୍ଚ କରନ୍ତି, ତାଙ୍କ ଅବସ୍ଥା ସ୍ଥିର କରନ୍ତି, ଇନଟ୍ୟୁବେସନ ( ଆର୍ଟିଫିସିଆଲ ବା ନକଲି ଭ୍ୟାଣ୍ଟିଲେଟର ରୋଗୀ ଭିତରେ ପଶାଇବା) କରନ୍ତି ।
20 ବର୍ଷ ଧରି ମୋନା ସେଠାରେ ରୋଗୀ ସେବା କରୁଛନ୍ତି । ‘‘ଆମେ ମୋନାଙ୍କୁ ନେଇ ଗର୍ବ କରୁ । ସେ କହନ୍ତି ଯେ ଏକ ମାରାଥନ ଦୌଡିଲା ଭଳି ଲାଗୁଛି ।’’ ବୋଲି ମୋନାଙ୍କ ସାନ ଭାଇ ଜୀଭ କହିଛନ୍ତି ।
