ନୂଆଦିଲ୍ଲୀ: ପ୍ରଧାନମନ୍ତ୍ରୀ ମୋଦିଙ୍କୁ ଧନ୍ୟବାଦ ଜଣାଇଛି ଅନ୍ତର୍ଜାତୀୟ ଅଲମ୍ପିକ କମିଟି । କୋରୋନା ଭାଇରସ ସଂକ୍ରମଣକୁ ରୋକିବା ଦିଗରେ ପ୍ରଧାନମନ୍ତ୍ରୀ ମୋଦିଙ୍କ ପ୍ରତିବଦ୍ଧତାକୁ ପ୍ରଶଂସା କରିଛି ଆଇଓଏ । ପ୍ରଧାନମନ୍ତ୍ରୀ ମୋଦିଙ୍କ ଉଦ୍ଦେଶ୍ୟରେ ଆଇଓସି ସଭାପତି ଥୋମାସ ବାଚ ଲେଖିଥିବା ଏକ ପ୍ରଶଂସା ପତ୍ରକୁ କେନ୍ଦ୍ର କ୍ରୀଡାମନ୍ତ୍ରୀ କିରେନ ରିଜ୍ଜିଜୁ ଟ୍ବିଟ କରିଛନ୍ତି ।
ଏହି ପତ୍ରରେ ଜି-20 ରାଷ୍ଟ୍ରମୁଖ୍ୟ ଶିଖର ସମ୍ମିଳନୀରେ ମୋଦି ଅଲମ୍ପିକ୍ସ ଗେମ୍ସକୁ ନେଇ ରଖିଥିବା ଗୁରୁତ୍ବପୂର୍ଣ୍ଣ ପରାମର୍ଶକୁ ସ୍ବାଗତ କରିଛନ୍ତି ଅନ୍ତର୍ଜାତୀୟ ଅଲମ୍ପିକ କମିଟି । ଅଲମ୍ପିକ ବର୍ଷରେ କୋରୋନା ଭାଇରସ ସଂକ୍ରମଣକୁ ରୋକିବାକୁ ସମସ୍ତ ଦେଶ ଦୃଢତାର ଲଢେଇ କରିବାକୁ ପ୍ରଧାନମନ୍ତ୍ରୀ ମୋଦି କହିଥିଲେ ।
ସହଯୋଗ ପାଇଁ ଆଇଓସି ସଭାପତି ଥୋମାସ ବାଚ ପ୍ରଧାନମନ୍ତ୍ରୀ ମୋଦିଙ୍କୁ ଧନ୍ୟବାଦ ଜଣାଇବା ସହ, ସମସ୍ତ ଭାରତୀୟଙ୍କ ସୁସ୍ଥତା କାମନା କରିଛନ୍ତି । ଆଇଓସି ଟୋକିଓ ଅଲମ୍ପିକ୍ସକୁ 2021କୁ ଘୁଞ୍ଚାଇଦେଇଛି । ଆସନ୍ତାବର୍ଷ ଜୁଲାଇ 23ରୁ ଅଗଷ୍ଟ 8 ପର୍ଯ୍ୟନ୍ତ ଟୋକିଓ ଅଲମ୍ପିକ୍ସ ହେବ ।
